فوتو: © Sputnik / بولات شايحينوۆ
باس پروكۋروردىڭ ورىنباسارى ەسەت شىنداليەۆ سوتتالعان قايرات ساتىبالدىنىڭ جازاسى جەڭٸلدەتۋ مٷمكٸندٸگٸنە قاتىستى سۇراققا جاۋاپ بەردٸ, دەپ حابارلايدى Kazinform اگەنتتٸگٸ.
بٷگٸن سەناتتىڭ جالپى وتىرىسىنان كەيٸن تٸلشٸلەر ٸستٸ بولعان قايرات ساتىبالدىنىڭ سوتتالعان مەرزٸمٸنەن بۇرىن بوساتىلۋ مٷمكٸندٸگٸ تۋرالى سۇرادى.
«تەورييالىق تۇرعىدان الىپ قاراساق, زاڭنامادا مەرزٸمٸنەن بۇرىن بوساتۋ, نەعۇرلىم جەڭٸل جازامەن اۋىستىرۋ سيياقتى شارالاردى قولدانۋ مٷمكٸندٸگٸ قاراستىرىلعان. وسى رەتتە, زاڭدا بەلگٸلٸ بٸر تالاپتار بار. ياعني تيٸستٸ مەرزٸمدەگٸ جازاسىن ٶتەۋٸ, كەلتٸرگەن زالالدىڭ ورنىن تولتىرۋى, سونداي-اق تٷرمەدەگٸ ونىڭ تەرتٸبٸ ەسكەرٸلەدٸ. اتاپ ايتقاندا, سوتتالعان ادامنىڭ مەرزٸمٸنەن بۇرىن بوساتىلۋىنا نەمەسە جازانى جەڭٸلدەتۋگە ٶتٸنٸش بەرۋ قۇقىعى بار. ال سوت وسى ٶتٸنٸشتٸ قاناعاتتاندىرۋعا نەمەسە ودان باس تارتۋعا قۇقىلى. ياعني, سوتتالعان ادامنىڭ ٶتٸنٸش بەرۋگە قۇقىعى بار, بٸراق سوت ونى بوساتۋعا مٸندەتتٸ ەمەس», - دەدٸ شىنداليەۆ.
بۇعان دەيٸن حابارلاعانىمىزداي, بىلتىر قايرات ساتىبالدىعا سوت ٷكٸمٸ شىعىپ, ول 6 جىلعا سوتتالدى.
