Nursultan Nazarbaev - kóptegen tabysty halyqaralyq jobalardyń avtory ári ideialyq shabyttandyrýshysy. Mundai pikirdi «Nursultan Nazarbaev: Jahandyq aýqymdaǵy saiasatker» atty halyqaralyq konferentsiia barysynda AÓSShK hatshylyǵynyń atqarýshy direktory Qairat Sarybai aitty, dep habarlaidy QazAqparat.
Aziiadaǵy ózara is-qimyl jáne senim sharalary jónindegi keńes hatshylyǵynyń atqarýshy direktory Qairat Sarybaidyń aitýynsha, AÓSShK ideiasyn Nursultan Ábishuly alǵash ret 1992 jyldyń qazan aiynda BUU Bas Assambleiasynyń 47-sessiiasynda usynǵan.
Uiymnyń 30 jyldyǵynda VI Sammit Qazaqstanda ótedi.
«Elbasynyń bul bastamasy ashyq, transparentti, inkliýzivti, evoliýtsiialyq jáne halyqaralyq quqyqtyń jalpyǵa birdei tanylǵan qaǵidattaryna negizdelgen óńirlik qaýipsizdik arhitektýrasy boiynsha dialogqa arnalǵan aziialyq platformanyń irgetasyn qalady jáne barlyq memleketterdiń beibit qatar ómir súrýine jaǵdai jasaidy», - dedi AÓSShK hatshylyǵynyń atqarýshy direktory Qairat Sarybai.
Búginde AÓSShK 27 elge deiin ósti jáne múshe memleketterdiń jiyntyq aýmaǵy álem halqynyń jartysynan astamy turatyn Aziia qurlyǵynyń shamamen 90%-yn qamtidy. AÓSShK-ge múshe memleketterdiń úlesine álemdik JIÓ-niń 50%-dan astamy tiesili jáne olar jahandyq ekonomikalyq ósýdiń úshten ekisin generatsiialaidy. 2018 jyly Hatshylyq tolyǵymen Nur-Sultan qalasyna kóshirildi. Osylaisha, dáiekti evoliýtsiialyq damý nátijesinde AÓSShK tolyqqandy uiymdastyrýdyń negizgi belgilerine ie boldy.
«Dáiektilik pen boljamdylyq, sonymen qatar tarihi jáne ózekti tájiribeni tyńǵylyqty taldaýǵa negizdelgen batyl innovatsiialyq tásilder, saiasi kóregendilik daryny, meniń oiymsha, saiasi kóshbasshylar, memlekettik qairatkerler jáne olar ókildik etetin ulttar men halyqaralyq uiymdar tarapynan Elbasyna tereń senimniń basty quramdas bóligi boldy. Al shyn máninde, bul senim Nursultan Nazarbaevtyń jahandyq aýqymdaǵy saiasatker ekenin halyqaralyq deńgeide moiyndaýǵa ulasty. Konferentsiiamyzdyń aldyńǵy qurmetti spikerleri atap ótken Uly dala eli - Qazaqstannyń qonaqjai jerindegi joǵary deńgeidegi halyqaralyq kezdesýler nemese Qazaqstannyń Tuńǵysh Prezidentiniń qatysýymen ótetin ózge de halyqaralyq formattar Qazaqstan úshin ǵana emes, halyqaralyq qoǵamdastyq úshin de aitýly oqiǵa qarsańynda bizdiń búgingi kezdesýimizdiń taqyrybyn aiqyndap, bekite túsedi. Meniń oiymsha, AÓSShK aiasynda byltyr Dýshanbede ótken AÓSShK 5-shi sammitinde Qazaqstan Prezidenti Qasym-Jomart Toqaev usynǵan forýmnyń negizin qalaýshy retinde Nursultan Nazarbaevtyń basty ról atqaratyn Danalar keńesin qurý týraly bastama keńeske múshe elderdiń tiisti baǵasyn tabady», - dep qorytyndylady Sarybai.
.jpeg)