Foto: Kazakh Tourism
«Kazakh Tourism» UK» AQ Direktorlar keńesi otyrysynyń qorytyndysy boiynsha Qairat Sádýaqasov Basqarma tóraǵasy qyzmetinen ketti, dep habarlaidy Ult.kz.
Ulttyq kompaniia basshysynyń mindetin atqarýshy laýazymyna Daniel Serjanuly taǵaiyndaldy. Ol 2024 jyldyń qańtarynan beri Basqarma tóraǵasynyń orynbasary qyzmetin atqarady.
"Qairat Sádýaqasov ulttyq kompaniiany qurýdyń bastaýynda turǵan jáne ár jyldary tóraǵa orynbasary qyzmetinde marketing, tsifrlandyrý, investitsiialar men óńirlik damý baǵyttaryna jetekshilik etti.Ol Basqarma tóraǵasy laýazymynda Qazaqstandy jańa týristik baǵyt retinde halyqaralyq deńgeide ilgeriletýdi edáýir kúsheitti", - delingen habarlamada.
Qairat Sádýaqasov týrizm salasyndaǵy kásibi qyzmetin jeke sektorda jalǵastyratyny aitylǵan.
