Foto: arena.olimpbet.kz
Almatylyq «Qairat» fýtbol klýby Chempiondar ligasyndaǵy oiyndaryn jalǵastyrýda. Kelesi matchta «Qairat» Kiprdiń «Pafos» klýbymen synǵa túsedi, dep habarlaidy Ult.kz.
Kezdesý 21 qazan kúni Almatydaǵy Ortalyq stadionda ótedi.Oiynnyń bastalýy – saǵat 21:45.
Biletter búgin, 13 qazanda saǵat 12:30-dan bastap satylymǵa shyqty. Olardy Freedom SuperApp jáne Kairat SuperApp qosymshalary arqyly satyp alýǵa bolady. Satyp alý tártibi burynǵy «Qairat» – «Real Madrid» matchy kezindegidei.
Eki týrdan keiin «Qairattyń» qorjynynda ázirge upai joq. «Pafospen» kezdesýden soń almatylyqtar Chempiondar ligasynyń toptyq kezeńinde taǵy bes match ótkizedi.
Buǵan deiin komanda syrt alańda portýgaliialyq «Sportingpen», al óz jankúierleri aldynda ispaniialyq «Real Madridpen» kezdesken edi.
