Foto: instagram.com/kair_n
Astana qalalyq sotynda Qairat Nurtasqa qatysty ákimshilik quqyqbuzýshylyq týraly is apelliatsiialyq tártippen qaraldy, - dep habarlaidy «Ult aqparat» Tengrinews.kz-ke siltemes jasap.
Buǵan deiin ákimshilik quqyqbuzýshylyqtar jónindegi mamandandyrylǵan aýdanaralyq sottyń qaýlysymen Qairat Aidarbekov usaq buzaqylyq jasaǵany úshin 15 táýlik merzimge ákimshilik qamaýǵa alynǵan bolatyn.
"Birinshi satydaǵy sot Qairat Aidarbekovtiń ushaqtyń ishinde janjaldasý kezinde azamat B.-ǵa qol jumsap, onyń densaýlyǵyna jeńil ziian keltirip, tóbeles kezinde balaǵat sózder aitqanyn anyqtady. Quqyqbuzýshynyń advokaty qaýlymen kelispei, 434-baptyń 2-bóligi boiynsha shaǵymdanyp, sottan is júrgizýdi toqtatýdy surady", - dep jazylǵan málimette.
Alaida sot málimetinshe, qaýlynyń kúshin joiý úshin sebep anyqtalmaǵandyqtan, apelliatsiianyń 9 shildedegi qaýlysymen birinshi satydaǵy sottyń sot aktisi ózgerissiz qalǵan.
Eske salaiyq, ánshi Almatydan Astanaǵa ushatyn ushaqtyń bortynda jolaýshyny soqqyǵa jyqqany belgili boldy. Materialdar qaraý úshin sotqa joldandy. Ánshi ustaldy. Artynsha Qairat Nurtas sot sheshimi boiynsha, 15 táýlikke qamaýǵa alyndy.
