Foto: Sports.kz
Almatylyq "Qairat" UEFA Chempiondar ligasynyń negizgi kezeńindegi sońǵy matchynda Angliianyń ataqty "Arsenal" klýbyna qarsy oinap, 2:3 esebimen jeńildi, dep jazady Ult.kz.
Kezdesý londondyqtardyń basymdyǵymen bastaldy. Oiynnyń 2-minýtynda Viktor Diokeresh esep ashyp, qonaqtardy alǵa shyǵardy. Alaida "Qairat" tez es jiyp, 7-minýtta taǵaiyndalǵan penaltidi Jorjino sátti oryndap, tarazy basyn teńestirdi.
Budan keiin "Arsenal" qaita shabýylǵa kóship, oiyn tizginin óz qolyna aldy. 15-minýtta Kai Haverts aiyp alańy ishinen dál soqqy jasap, komandasyn alǵa shyǵarsa, 38-minýtta Gabriel Martinelli qarsy shabýyl kezinde qaqpanyń alys buryshyn dál kózdep, esepti 3:1-ge jetkizdi.
Ekinshi taimda almatylyqtar oiyn qarqynyn arttyryp, qarsylas qaqpasyna qysym kórsetti. Matchtyń qosymsha minýttarynda Rikardino bir gol soǵyp, esep aiyrmasyn qysqartqanymen, kezdesý nátijesin ózgertýge múmkindik bolmady.
Osylaisha, "Qairat" Chempiondar ligasyndaǵy negizgi kezeńdi jeńilispen aiaqtaǵanymen, myqty qarsylasqa qarsy tartysty oiyn kórsetip, jankúierleriniń ystyq yqylasyna bólendi.
