Biznesmen Qairat Qudaibergenniń "Q3 Worldwide" investitsiialyq holdingi jyl basynan beri biýdjetke 2,5 mln teńge salyq tólegen, dep habarlaidy ulysmedia.kz.
"Q3 Worldwide" investitsiialyq holdinginiń qurylys, innovatsiialyq tehnologiialar, basqarýshylyq menedjment jáne taǵy basqa salalarda jumys isteidi dep kórsetilgen. Ol 2017 jyly qurylǵan.
Ýchet.kz salyq tóleýshiler bazasynda Qairat Qudaibergenniń atynda osy bir ǵana kompaniia tirkelgen.
Bes jyl buryn qurylǵan kompaniia byltyr 4 mlnnan astap salyq tólese, biyl 4 aida qazynaǵa 2,5 mln teńge aýdarǵan. Salyq 10% ekenin eskersek, holding osy aralyqta resmi 25 mln teńge tabys tapqan.
Eske salsaq, 22-sáýirde Almaty qalalyq máslihatynyń depýtaty Qairat Qudaibergen ustaldy. Oǵan qańtarda jappai tártipsizdikti uiymdastyrdy jáne qatysty degen aiyp taǵylǵan. Qairat Qudaibergen qańtar oqiǵasy kezinde Arman Jumageldievtiń (Dikii Arman) qasynda bolǵan. Bul týraly áleýmettik jelide túrli videolar tarady. Ol buǵan deiin kýáger retinde jaýap alýǵa shaqyrylǵan edi.
Jeksenbide tergeý soty Qairat Qudaibergenge kúdiktiniń áreketin saralaý týraly qaýly shyǵarylǵanǵa deiin 1 ai "qamaýda ustaý" bultartpaý sharasyn sanktsiialady.
