Almatynyń mamandandyrylǵan aýdanaralyq tergeý soty Almaty qalasy máslihatynyń depýtaty, belgili kásipker Qairat Qudaibergendi qamaýda ustaý merzimin taǵy uzartty, - dep habarlaidy "Ult aqparat".
"2022 jylǵy 17 qarashada sot sheshimimen tergeý organdarynyń kúdiktige qatysty qamaýda ustaý merzimin 8 aiǵa, iaǵni 2022 jyldyń 21 jeltoqsanyna deiin uzartýǵa sanktsiia berý týraly ótinishi qanaǵattandyryldy", - delingen sot habarlamasynda.
Eske salaiyq, Qairat Qudaibergen 22 sáýirde ustalǵan bolatyn. Artynsha, prokýratýra qalalyq máslihat depýtaty Almatydaǵy qańtar oqiǵasy kezinde jappai tártipsizdikti uiymdastyrdy jáne oǵan qatysty degen kúdikke ilingenin rastady.
Onyń qamaýda bolý merzimi birneshe ret uzartyldy. Keiin Qairat Qudaibergen Amanat partiiasynyń qatarynan shyǵarylyp, depýtattyq mandatynan aiyryldy.
