Foto: facebook.com/KudaibergenKairat
Qairat Qudaibergendi qamaýda ustaý merzimi eki aiǵa uzardy, dep habarlaidy Sputnik Qazaqstan Almaty qalalyq sotynyń baspasóz qyzmetine silteme jasap.
Qamaýda ustaý týraly qaýlyny Almaty qalasy mamandandyrylǵan aýdanaralyq tergeý soty qabyldaǵan.
"20 maýsymda sot Q-ǵa qatysty qylmystyq is materialdarymen tanysý kezeńinde qamaýda bolý merzimin uzartýdy sanktsiialady. Qamaýda ustaý ýaqyty 2 aiǵa deiin, iaǵni 2023 jyldyń 21 tamyzyna deiin uzartyldy", - delingen vedomstvo habarlamasynda.
Eske sala keteiik, Almaty qalasy máslihatynyń VII shaqyrylymynyń depýtaty jáne bloger Qairat Qudaibergen qańtar oqiǵasy kezinde jappai tártipsizdik uiymdastyrdy degen kúdikke ilingen. Oǵan deiin Qairat Qudaibergendi qańtar oqiǵasynyń kýágeri retinde Ulttyq qaýipsizdik komiteti men Bas prokýratýraǵa jaýap alýǵa shaqyrǵan bolatyn.
Qamaýda otyryp, ol depýtat mártebesinen airyldy.
Bir jyl eki ai ishinde Qairat Qudaibergendi qamaýda ustaý merzimi birneshe ret uzardy.
