QR Bas prokýratýrasy Almaty qalasy máslihatynyń depýtaty Qairat Qudaibergen qańtar oqiǵasynyń isi boiynsha ustalǵanyn rastady, dep habarlaidy QazAqparat.
Bas prokýratýranyń baspasóz hatshysy Darhan Dúisembaidyń aitýynsha, Qairat Qudaibergen 21 sáýirde ýaqytsha ustaý izoliatoryna qamaýǵa alynǵan.
«Ony keshe, 21 sáýir kúni ustady. Muny Almaty qalasynyń prokýratýrasy BAQ ókilderine rastady», - dedi ol.
Qairat Qudaibergen - Almaty qalasy máslihatynyń depýtaty, Q3 Worldwide investitsiialyq holdinginiń negizin qalaýshy jáne bas direktory, bloger.
Eske salsaq, qańtar oqiǵasy kezinde Almaty qalasynan taraǵan videolarda kásipkerdiń «Dikii Arman» laqap atymen belgili Arman Jumaldievtiń janynda júrgeni kóringen bolatyn.
7 qańtarda Almatyda politseiler «Dikii Arman» laqap atymen tanymal qylmys áleminiń serkesi Arman Jumageldievti ustaǵan edi.
QR Bas prokýratýrasy Arnaiy prokýrorlar qyzmetiniń bastyǵy Rizabek Ojarovtyń aitýynsha, «Dikii Arman» toby qańtar oqiǵasy kezinde 24 beibit turǵyndy urlap, kúshtep ustaǵan.
Kriminaldyq avtoritet «Dikii Armandy» qamaýǵa alý merzimi ekiaiǵa uzartylǵan bolatyn.
