Qazaqstan Respýblikasynyń Prezidenti Nursultan Nazarbaev QR Parlamenti Senatyna Qairat Perneshuly Qojamjarovtyń kandidatýrasyn Bas prokýror laýazymyna usyndy, dep habarlaidy QazAqparat Aqordanyń Týitterdegi paraqshasyna silteme jasap.
«QR Parlamenti Senaty Bas prokýror laýazymyna usynylǵan Qairat Perneshuly Qojamjarovtyń kandidatýrasyn qoldady», delingen habarlamada.
Qairat Perneshuly Taraz qalasynda 1965 jyly 24 naýryzda dúniege kelgen.
A.Jdanov atyndaǵy Leningrad memlekettik ýniversitetin bitirgen.
1987 jyldan bastap 1995 jylǵa deiin Qazaqstan Respýblikasy prokýratýrasynyń organdarynda qyzmet etken. 1995 jylǵy qyrkúiekten bastap 1998 jylǵy naýryzǵa deiin keden organdarynda qyzmette bolǵan. 1999 jylǵy shildeden bastap osy ýaqytqa deiin qarjy politsiiasy organdarynda qyzmet etti.
Ár túrli laýazymdarda: 2001 jylǵy aqpannan bastap agenttiktiń tergeý basqarmasynyń bastyǵy, 2002 jylǵy aqpannan bastap 2004 jylǵy mamyrǵa deiin Almaty qalasy boiynsha Ekonomikalyq qylmysqa jáne sybailas jemqorlyqqa qarsy kúres departamenti (qarjy politsiiasy) bastyǵynyń orynbasary, 2004 jylǵy mamyrdan bastap 2007 jylǵy qańtarǵa deiin Aqtóbe oblysy boiynsha Ekonomikalyq qylmysqa jáne sybailas jemqorlyqqa qarsy kúres departamenti (qarjy politsiiasy) bastyǵy, 2007 jylǵy qańtardan bastap 2008 jylǵy jeltoqsanǵa deiin Qazaqstan Respýblikasy Ekonomikalyq qylmysqa jáne sybailas jemqorlyqqa qarsy kúres agenttigi (qarjy politsiiasy) tóraǵasynyń orynbasary boldy.
2008 jylǵy jeltoqsan aiynan bastap Qazaqstan Respýblikasy Ekonomikalyq qylmysqa jáne sybailas jemqorlyqqa qarsy kúres agenttiginiń tóraǵasy qyzmetin atqardy.
2012 jylǵy qańtardan - Aqmola oblysynyń ákimi.
2013 jylǵy qańtardan - QR Prezidentiniń kómekshisi - Qaýipsizdik keńesiniń hatshysy. 2014 jyly tamyz aiynda Sybailas jemqorlyqqa qarsy is-qimyl ulttyq biýrosynyń tóraǵalyǵyna taǵaiyndalǵan.
Qarjy politsiiasynyń general-maiory. II dárejeli «Dańq» ordenimen jáne birqatar medaldarmen marapattalǵan.
