«Astana» Halyqaralyq qarjy ortalyǵynyń basqarýshysy Qairat Kelimbetov jalaqysynyń qansha bolatyny týraly suraqqa jaýap berdi, dep habarlaidy Ult.kz tilshisi QazAqparat agenttigine silteme jasap.
«Bizde sottardyń jumysy baryn atap ótkim keledi. Bul salaǵa álemdik dárejesi bar mamandardy tartqaly otyrmyz. Sonymen birge, iri kompaniialar bizge básekege qabiletti bolatyndai ailyqtyń deńgeiine jetkizý baǵytynda kómek berip jatyr. Álbette, biz ailyǵy óte joǵary Dýbai nemese Ábý-Dabi (sol jaqtaǵy qarjy ortalyqtary - avt.) emespiz. Biz bul baǵyttaǵy birinshi uiym emes ekenimizdi de atap ótkim keledi. Bizde «Samuryq-Qazyna» ulttyq ál-aýqat qory jáne sol sekildi ulttyq kompaniialardyń álemdik deńgeidegi sarapshylardy tartý baǵytynda tájiribeleri bar. Sáikesinshe, ailyqtyń deńgeii regýliatorlarǵa bailanysty bolady. Biz eń aldymen jergilikti indikatorlardy tartqymyz keledi. Meniń jeke ailyǵymdy týraly aitar bolsam. Ózderińiz biletindei, men osy laýazymǵa Prezidenttiń tapsyrmasymen taǵaiyndalǵan edim. Uiymnyń basqarýshysymyn. Sáikesinshe, bunyń barlyǵy zańmen baqylanady. Ailyǵym «Báiterek» nemese «Samuryq-Qazynadaǵydan» joǵary emes. Múmkin odan da kem bolýy múmkin. Biyl sonymen birge, eshqandai bonýs nemese syiaqy qarastyrylǵan joq. Ailyǵym týraly qalypty dep aitýǵa bolady. Mólsheri 1 millionǵa deiin», - dedi Qairat Kelimbetov.
Eske sala ketsek, búgin «Astana» Halyqaralyq qarjy ortalyǵynyń basqarýshysy Qairat Kelimbetov otandyq jáne sheteldik BAQ aldynda uiymnyń jumysyn tanystyrǵan bolatyn.
