Almatylyq "Qairat" fýtzaldan 19-ret Qazaqstan chempionatynyń jeńimpazy atandy, dep jazady Vesti.kz.
Finaldyq seriiada almatylyq komanda Rýdnyidyń "Aiatyna" qarsy oinap, 3:0 esebimen jeńiske jetti. Almatyda ótken ekinshi oiynda "Qairat" aldymen 4:2, keiin 7:2 esebimen jeńiske jetken edi.
Al Rýdnyi qalasynda ótken oiyn 4:2 esebimen aiaqtaldy. Kezdesýdiń birinshi taimynda "Qairat" sapynan Dáýren Tursaulov pen Albert Aqbalyqov gol soqsa, alań ieleri sapynda Leandrino kózge tústi. Ekinshi taimda Birjan Orazov pen Karlos Sanz almatylyq komanda sapynda goldyń avtory atansa, "Aiat" sapynda Danil Karpiýk bir golmen jaýap berdi.
Endi Qazaqstan chempionytanda tek qola júldeniń iegerin anyqtaý kerek. Bul oiynda "Kaspii" men "Atyraý" oinap jatyr. Ázirge eki kezdesýden keiingi seriiada esep 1:1.
Eske salaiyq, "Qairat" pen "Aiat" kelesi maýsymda Qazaqstan atynan Chempiondar ligasynda óner kórsetedi.
