الماتىلىق "قايرات" فۋتزالدان 19-رەت قازاقستان چەمپيوناتىنىڭ جەڭٸمپازى اتاندى, دەپ جازادى Vesti.kz.
فينالدىق سەرييادا الماتىلىق كوماندا رۋدنىيدىڭ "اياتىنا" قارسى ويناپ, 3:0 ەسەبٸمەن جەڭٸسكە جەتتٸ. الماتىدا ٶتكەن ەكٸنشٸ ويىندا "قايرات" الدىمەن 4:2, كەيٸن 7:2 ەسەبٸمەن جەڭٸسكە جەتكەن ەدٸ.
ال رۋدنىي قالاسىندا ٶتكەن ويىن 4:2 ەسەبٸمەن اياقتالدى. كەزدەسۋدٸڭ بٸرٸنشٸ تايمىندا "قايرات" ساپىنان دەۋرەن تۇرساۇلوۆ پەن البەرت اقبالىقوۆ گول سوقسا, الاڭ يەلەرٸ ساپىندا لەاندرينو كٶزگە تٷستٸ. ەكٸنشٸ تايمدا بٸرجان ورازوۆ پەن كارلوس سانز الماتىلىق كوماندا ساپىندا گولدىڭ اۆتورى اتانسا, "ايات" ساپىندا دانيل كارپيۋك بٸر گولمەن جاۋاپ بەردٸ.
ەندٸ قازاقستان چەمپيونىتاندا تەك قولا جٷلدەنٸڭ يەگەرٸن انىقتاۋ كەرەك. بۇل ويىندا "كاسپيي" مەن "اتىراۋ" ويناپ جاتىر. ەزٸرگە ەكٸ كەزدەسۋدەن كەيٸنگٸ سەرييادا ەسەپ 1:1.
ەسكە سالايىق, "قايرات" پەن "ايات" كەلەسٸ ماۋسىمدا قازاقستان اتىنان چەمپيوندار ليگاسىندا ٶنەر كٶرسەتەدٸ.
