Shymkent qalasy politsiia departamentiniń bastyǵy bolyp, politsiia general-maiory Qairat Sultanbaiuly Dálbekov taǵaiyndaldy, dep habarlaidy QazAqparat.
Qairat Sultanbaiuly 1963 jyly 1 qyrkúiekte Ońtústik Qazaqstan oblysy Sairam aýdany Aqsý aýylynda dúniege kelgen.
1982-1984 jyldary Keńes Armiiasy qatarynda raketalyq bólimde áskeri boryshyn ótegen.
1985 jyly Qaraǵandy qalasyndaǵy Ishki ister ministrliginiń joǵary mektebin bitirip, 1989 jyly Shymkent oblystyq atqarý komitetiniń ICh-167/1 mekemesinde shuǵyl bólimniń jedel ýákili bolǵan.
1994 jyly Memlekettik Tergeý komitetiniń Ońtústik Qazaqstan oblysy boiynsha basqarmasynyń 3-bóliminiń asa mańyzdy ister jónindegi aǵa jedel ýákili qyzmetin atqarǵan.
Sondai-aq, Maqtaral aýdany IIB bastyǵynyń birinshi orynbasary, Kentaý qalalyq IIB bastyǵy, 2009 jyly qańtar – mamyr ailarynda OQO IID bastyǵynyń orynbasary, 2011-2013 jyldary OQO IID bastyǵynyń birinshi orynbasary, 2013 jyly Mańǵystaý oblysy ishki ister departamenti bastyǵy, 2017 jyly Ońtústik Qazaqstan oblystyq ishki ister departamentin, 2018 jyldan Túrkistan oblysynyń politsiia departamentin basqaryp keldi.
