شىمكەنت قالاسى پوليتسييا دەپارتامەنتٸنٸڭ باستىعى بولىپ, پوليتسييا گەنەرال-مايورى قايرات سۇلتانبايۇلى دەلبەكوۆ تاعايىندالدى, دەپ حابارلايدى قازاقپارات.
قايرات سۇلتانبايۇلى 1963 جىلى 1 قىركٷيەكتە وڭتٷستٸك قازاقستان وبلىسى سايرام اۋدانى اقسۋ اۋىلىندا دٷنيەگە كەلگەن.
1982-1984 جىلدارى كەڭەس ارميياسى قاتارىندا راكەتالىق بٶلٸمدە ەسكەري بورىشىن ٶتەگەن.
1985 جىلى قاراعاندى قالاسىنداعى ٸشكٸ ٸستەر مينيسترلٸگٸنٸڭ جوعارى مەكتەبٸن بٸتٸرٸپ, 1989 جىلى شىمكەنت وبلىستىق اتقارۋ كوميتەتٸنٸڭ يچ-167/1 مەكەمەسٸندە شۇعىل بٶلٸمنٸڭ جەدەل ۋەكٸلٸ بولعان.
1994 جىلى مەملەكەتتٸك تەرگەۋ كوميتەتٸنٸڭ وڭتٷستٸك قازاقستان وبلىسى بويىنشا باسقارماسىنىڭ 3-بٶلٸمٸنٸڭ اسا ماڭىزدى ٸستەر جٶنٸندەگٸ اعا جەدەل ۋەكٸلٸ قىزمەتٸن اتقارعان.
سونداي-اق, ماقتارال اۋدانى ٸٸب باستىعىنىڭ بٸرٸنشٸ ورىنباسارى, كەنتاۋ قالالىق ٸٸب باستىعى, 2009 جىلى قاڭتار – مامىر ايلارىندا وقو ٸٸد باستىعىنىڭ ورىنباسارى, 2011-2013 جىلدارى وقو ٸٸد باستىعىنىڭ بٸرٸنشٸ ورىنباسارى, 2013 جىلى ماڭعىستاۋ وبلىسى ٸشكٸ ٸستەر دەپارتامەنتٸ باستىعى, 2017 جىلى وڭتٷستٸك قازاقستان وبلىستىق ٸشكٸ ٸستەر دەپارتامەنتٸن, 2018 جىلدان تٷركٸستان وبلىسىنىڭ پوليتسييا دەپارتامەنتٸن باسقارىپ كەلدٸ.
