Foto: "Qairat" FK
Almatylyq «Qairat» Chempiondar ligasyndaǵy sońǵy úi kezdesýinde belgiialyq «Briýggeden» 1:4 esebimen jeńildi, dep habarlaidy Ult.kz.
Oiyn basynda alań ieleri qarsylas qaqpasyna birneshe qaýipti shabýyl uiymdastyrǵanymen, esep ashylmady.
32-minýtta «Inter» akademiiasynyń túlegi Stankovich «Qairat» qorǵanysyn buzyp ótip, matchtaǵy alǵashqy goldy soqty. Al 38-minýtta Vanaken taǵy bir nátijeli soqqy jasap, esepti 2:0-ge jetkizdi.
Ekinshi taimda «Briýgge» oiyn tizginin tolyq qolǵa alyp, 74 jáne 84-minýttarda taǵy eki gol soǵyp, basymdyǵyn arttyrdy. Kezdesýdiń sońyna qarai «Qairat» sapynan Ádilet Sadybekov bir dop aiyrmasymen jaýap qaitardy.
Nátijesinde almatylyq klýb óz alańynda 1:4 esebimen jeńilis tapty. «Qairat» Chempiondar ligasyndaǵy sońǵy oiynyn 29 qańtarda «Arsenalǵa» qarsy ótkizedi.
