«قايرات» چەمپيوندار ليگاسىندا كەزەكتٸ جەڭٸلٸسكە ۇشىرادى

فوتو: "قايرات" فك

الماتىلىق «قايرات» چەمپيوندار ليگاسىنداعى سوڭعى ٷي كەزدەسۋٸندە بەلگييالىق «بريۋگگەدەن» 1:4 ەسەبٸمەن جەڭٸلدٸ, دەپ حابارلايدى Ult.kz.

ويىن باسىندا الاڭ يەلەرٸ قارسىلاس قاقپاسىنا بٸرنەشە قاۋٸپتٸ شابۋىل ۇيىمداستىرعانىمەن, ەسەپ اشىلمادى.

32-مينۋتتا «ينتەر» اكادەميياسىنىڭ تٷلەگٸ ستانكوۆيچ «قايرات» قورعانىسىن بۇزىپ ٶتٸپ, ماتچتاعى العاشقى گولدى سوقتى. ال 38-مينۋتتا ۆاناكەن تاعى بٸر نەتيجەلٸ سوققى جاساپ, ەسەپتٸ 2:0-گە جەتكٸزدٸ.

ەكٸنشٸ تايمدا «بريۋگگە» ويىن تٸزگٸنٸن تولىق قولعا الىپ, 74 جەنە 84-مينۋتتاردا تاعى ەكٸ گول سوعىپ, باسىمدىعىن ارتتىردى. كەزدەسۋدٸڭ سوڭىنا قاراي «قايرات» ساپىنان ەدٸلەت سادىبەكوۆ بٸر دوپ ايىرماسىمەن جاۋاپ قايتاردى.

نەتيجەسٸندە الماتىلىق كلۋب ٶز الاڭىندا 1:4 ەسەبٸمەن جەڭٸلٸس تاپتى. «قايرات» چەمپيوندار ليگاسىنداعى سوڭعى ويىنىن 29 قاڭتاردا «ارسەنالعا» قارسى ٶتكٸزەدٸ.