Foto: Aleksandr Pavskii/Kazinform
Qairat Boranbaevqa tiesili Phystech II munai kompaniiasy tolyǵymen memleket balansyna ótti. Muny resmi qujattar rastap otyr, dep habarlaidy «Ult aqparat» Kazinform-ǵa silteme jasap.
1 tamyzda KASE veb-saitynda jariialanǵan aktsionerler tizimindegi úzindi kóshirmege sáikes, 1 shildedegi jaǵdai boiynsha Phystech II AQ jalǵyz aktsioneri retinde QR Qarjy ministrliginiń Memlekettik múlik jáne jekeshelendirý komiteti kórsetilgen.
Jariialanǵan jai aktsiialardyń jalpy sany 18 500 000 dana, onyń ishinde 13 749 100 jai aktsiialar ornalastyrylǵan.
Buǵan deiin memleketke qaitarylǵan múlikter, olardyń quny jáne qalai paidalanylatyny týraly habarlanǵan bolatyn.
Sot sheshimimen kásipkerden memleket paidasyna tómendegi múlikter tárkilendi:
- Almaty q. Ál-Farabi 77/7-1 kóshesindegi jer ýchaskesi bar kommertsiialyq úi-jai. Quny 686 mln teńgege teń;
- Halyq banki shotyndaǵy qarajat - 1 mlrd 270 mln 190 myń teńge;
- Halyq bankiniń túrli shottaryna salynǵan 5 mln 685 myń 727 AQSh dollary, 1 million 170 myń 329 AQSh dollary 755 million 859 myń 601 teńge, 193 million 170 myń 137 teńge.
Esterińizge salsaq, buǵan deiin Qairat Boranbaev biýdjetke taǵy 120 mlrd teńge aýdarǵanyn jazǵan edik.
