Belgili kásipker Qairat Boranbaevtyń qamaýǵa alý merzimi taǵy uzardy. Bul týraly Astana soty habarlady.
"2022 jyldyń 8 qyrkúieginde Astana qalasynyń mamandandyrylǵan aýdanaralyq tergeý soty kúdikti Q.S. Boranbaevqa qatysty qamaýǵa alý túrindegi sanktsiialanǵan bultartpaý sharasynyń merzimin bir aiǵa uzartty", - delingen habarlamada.
Buǵan deiin qarjy monitoringi agenttigi kvazimemlekettik sektorda asa iri mólsherde qarjy jymqyrý deregi boiynsha qylmystyq isti tergeýdi bastaǵan bolatyn. Belgili biznesmen Qairat Boranbaev qylmys jasady degen kúdikpen ustalyp, ýaqytsha ustaý izoliatoryna qamalǵan edi.
