Foto: Mcdonalds.kz
Qarjy monitoringi agenttigi Qairat Boranbaev isiniń jai-japsaryn aitty, - dep habarlaidy "Ult aqparat" vedomstvonyń baspasóz qyzmetine silteme jasap.
QMA málimetinshe, "AziiaGazChýndja" JShS quryltaishylary Qairat Boranbaev pen Roman Nahanov jáne Qazaq Gaz AQ basqarma tóraǵasynyń burynǵy orynbasary Tair Januzaqqa suiytylǵan munai gazyn satyp alý kezinde 14,5 milliard teńge urlaý jáne qylmystyq kiristerdi zańdastyrý derekteri boiynsha qylmystyq isti tergeý aiaqtalǵan.
"Bas prokýratýra 23 jeltoqsanda isti sottyń qaraýyna jiberdi. Ulttyq kompaniiaǵa keltirilgen zalal Qazaq Gaz AQ shottaryna aýdarý arqyly tolyq kólemde óteldi.
Aiaqtalǵan is sheńberinde azamattyq talap qoiý jáne múlikti tárkileý bóliginde úkimniń oryndalýyn qamtamasyz etý maqsatynda aiyptalýshylardyń 38 milliard teńge somasyndaǵy aqshalai qarajatyna, 15 jyljymaityn múlik obektisine, 3 avtokólik quralyna tyiym salyndy" - delingen habarlamada.
Agenttik Qairat Boranbaevqa jáne basqa adamdarǵa qatysty gaz eksporty kezinde urlaý jáne qylmystyq jolmen alynǵan múlikti zańdastyrý deregi boiynsha bólingen ister sheńberinde sotaldy tergeýdi jalǵastyryp jatyr.
QPK-niń 201-babyna sáikes ózge aqparat jariia etýge jatpaidy.
