Foto: instagram.com/kairat4
Astanadaǵy qylmystyq ister jónindegi sot alqasy reseilik gaz baǵasy týraly málimet kórsetilgen qujattyń túpnusqasy bolmaǵandyqtan qazaqstandyq kásipker Qairat Boranbaevqa qatysty úkimniń kúshin joidy, dep habarlaidy Sputnik Qazaqstan.
Sot úkimi osy jyldyń 31 naýryzynda jariialanǵan edi. Sol kezde sot eks-prezidenttiń burynǵy qudasy Qairat Boranbaev pen onyń biznestegi seriktesi Roman Nahanovty, sondai-aq "Qazaq Gaz" AQ basqarma tóraǵasynyń burynǵy orynbasary Taiyr Januzaqty 8 jylǵa bas bostandyǵynan aiyrǵan.
"Qaztransgaz" AQ-ǵa Resei tarapynan usynylǵan gaz baǵasy týraly bastapqy derekterdiń bolmaýy úkimniń kúshin joiýǵa sebep boldy.
"Úkim "Gazprom" JShQ men "QazMunaiGaz" AQ arasynda 12.07.2019 jylǵy kezdesý hattamasy bolǵan degen boljamǵa negizdelgen. Ol qujattyń 18-tarmaǵynda myń tekshe metr gaz úshin satý baǵasy 145 AQSh dollary dep belgilengen. Baǵadaǵy aiyrma gaz baǵasyn joǵarylatý arqyly jymqyrý retinde qarastyryldy. Alaida bul hattamanyń túpnusqasy joq. Hattamada qol qoiǵan tulǵalardyń aty-jóni kórsetilmegen", - dep jazylǵan Astana sotynyń qylmystyq ister jónindegi sot alqasynyń qaýlysynda.
"Aiyptaý tarapynyń boljamy boiynsha, hattamaǵa qol qoidy degen tulǵalardan is boiynsha jaýap alynbady jáne bul qujattyń bar ekeni rastalmady. "Qaztransgaz" AQ qyzmetkerleriniń habarlamalarynan alynǵan osy hattamanyń elektrondy kóshirmesi onyń shynaiylyǵyn dáleldeý úshin jetkiliksiz", - dep tolyqtyrdy sottaǵylar.
Iste 17 tarmaqtan turatyn dál sol kúngi hattamanyń túpnusqasy bar, gazdy 145 dollardan satý týraly 18-shi tarmaq joq. Nelikten bir kúni birdei eki hattamanyń bar ekeni belgisiz: bireýi shynaiy, al ekinshisi orta býyndaǵy menedjerlerdiń elektrondyq hat almasýlarynan jáne oǵan naqty kim qol qoiǵany belgisiz.
"Osylaisha, sot úkimi qylmystyq is júrgizý zańnamasyn buzýmen shyǵaryldy. Sottyń kiná týraly tujyrymdary boljamǵa negizdelgen, qujattardyń túpnusqalary bolmaǵan jaǵdaida, olardyń senimdiligi men durystyǵyna kúmán týdyratyn kóshirmeleri negizge alynǵan, jol berilmeitin dáleldemeler jáne taldanbaǵan, shynaiylyǵy boiynsha salystyrylmaǵan jáne basqa ádil dáleldemelermen rastalmaǵan dáleldemeler qoldanyldy", - dep qorytyndylady sot alqasy.
Olardyń sheshimimen qylmystyq is birinshi satydaǵy sottyń qaýlysy boiynsha apelliatsiialyq tártipte qaralady. Sottalǵandar qamaýda qalady. Sottalǵandar men olardy qorǵaýshylardyń apelliatsiialyq ótinishteri ishinara qanaǵattandyrylady, dep jazylǵan qaýlyda.
