© Sputnik / Sergei Kim
Qairat Boranbaev Ulttyq paralimpiada komitetiniń prezidenti bolyp qaita sailandy. Bul jańalyqty kásipker áleýmettik jelidegi paraqshasynda bólisti.
"Dostar, Paralimpiada federatsiialary ókilderiniń biraýyzdan qabyldanǵan sheshimimen men Ulttyq Paralimpiada komitetiniń prezidenti bolyp sailandym. Osy kúni meni qoldaǵandardyń barlyǵyna alǵys aitqym keledi", - dep jazdy Boranbaev.
Onyń aitýynsha, bul óz úshin óte mańyzdy laýazym.
"Biz Qazaqstandaǵy Paralimpiada qozǵalysyn damytý jónindegi aýqymdy strategiiamyzdy júzege asyrý ústindemiz. Sońǵy jyldary qol jetkizgen barlyq jetistikterimizge qaramastan, áli de kóptegen josparlarymyz bar. Qazaqstan para-sportshylardy kásibi túrde daiyndap, eldiń bedelin nyǵaita beredi", - dedi ol.
Onyń aitýynsha, búginde Frantsiia astanasy Parijde jalaýyn jelbiretetin Paralimpiada oiyndaryna qyzý daiyndyq júrip jatyr. Jyl sońyna deiin Astanada jańa jattyǵý ortalyǵynyń qurylysy bastalmaq. Sondai-aq "Tarlan" inkliýzivti muz aidynyn qaita jańartý josparlanyp otyr. Budan bólek paralimpiadashylarǵa arnalǵan zamanaýi trenajerler satyp alynbaq.
Eske salsaq, alty jylǵa sottalyp, keiin jazasy jeńildetilgen Qairat Boranbaev 2023 jyldyń qarasha aiynda bostandyqqa shyqty. Boranbaev probatsiia qyzmetiniń baqylaýynda bolady.
Buǵan deiin Aqmola oblysynyń soty 6 jylǵa bas bostandyǵynan aiyrylǵan Qairat Boranbavtyń jazasyn jeńildetip, bas bostandyǵyn shekteý jazasyn taǵaiyndady.
Qairat Boranbaev 2022 jyly naýryzda qamaýǵa alyndy. Ol kvazimemlekettik sektorda asa iri mólsherde qarajat jymqyrdy degen kúdikke ilingen.
