Foto: Mcdonalds.kz
Búgin elordanyń Saryarqa aýdandyq №2 sotynda belgili biznesmen, eks-prezidenttiń burynǵy qudasy Qairat Boranbaev sońǵy sózin sóiledi, dep habarlaidy QazAqparat.
«Qurmetti sot, sizge óz quqyǵymdy qorǵaý úshin júginemin. Bul iste prokýrorlardyń óz qatelikterin moiyndaýǵa batyldyǵy jetpedi. Osy oraida jiberilgen qatelikterdi túzetýge, ádildik pen zańdylyqty qalpyna keltirýge sottyń batyldyǵy jetedi dep úmittenemin. Óz qatelikterin moiyndai alsa, ol - erkin adam», – dedi Qairat Boranbaev sot aldynda.
Sondai-aq, aiyptalýshy «AziiaGazChýndja» jáne «Qazaq Gaz» arasyndaǵy mámileden memleketke shyǵyn kelgen bolsa, ony óteýge daiyn ekenin jetkizdi.
«Qurmetti sot, siz - zań ókilisiz. Bizdiń isimizde urandatýshylyq joq, biz jasaǵan mámile tek kommertsiialyq sipatqa ie. Tergeý bastalǵannan beri «AziiaGazChýndja» jáne «Qazaq Gaz» arasyndaǵy mámileni kommertsiialyq jáne zańdy dep sanap keldim, múmkin men qatelesken shyǵarmyn. Sondyqtan eger Qazaq Gaz memleket atynan bul mámileden shyn máninde zalal keltirildi dep eseptese, onda men tergeý kezinde tapqan tabysymdy qaitarýǵa daiynmyn. Búginde zalal tolyq kólemde óteldi. Osy oraida zańdy sheshim qabyldanady dep úmittenemin», - deidi ol.
Eske salaiyq, Qairat Boranbaev ótken jyly 17 naýryzda sot sheshimimen 2 aiǵa qamalǵan edi. Al Astanada oǵan qatysty sot otyrysy byltyr jeltoqsanda bastalǵan.
Qairat Boranbaev pen onyń biznes-seriktesi Roman Nahanov, sondai-aq Qazaq Gaz AQ basqarma basshysynyń burynǵy orynbasary Taiyr Januzaq suiytylǵan munai gazyn satyp alý kezinde 14,5 mlrd teńge jymqyrdy jáne qylmystyq jolmen alynǵan qarajatty zańdastyrdy degen kúdikke ilindi.
Aiyptaýshylardyń 38 milliard teńge aqshasy, 15 jyljymaityn múlki, úsh avtokóligi buǵattaldy.
Qarjylyq monitoring agenttigi de gaz eksporty kezindegi jymqyrý jáne qylmystyq jolmen tabylǵan múlikti zańdastyrý isteri aiasynda Boranbaev pen basqa tulǵalarǵa qatysty sotqa deiingi tergeýdi jalǵastyryp jatqanyn habarlaǵan bolatyn.
28 naýryzda ótken sot otyrysynda prokýror Qairat Boranbaevty 8 jylǵa bas bostandyǵynan aiyryp, múlkin tárkileýdi surady.
