Foto: Tengrinews.kz
Qamaýǵa alynǵan kásipker Qairat Boranbaev ustalǵanǵa deiin elden qashýǵa árekettenbegenin aitty, - dep habarlaidy Tengrinews.kz portaly.
Astanadaǵy sot otyrysynyń úzilisinde jýrnalister Qairat Boranbaevtan onyń elden qashpaq bolǵan jerinde qamaýǵa alynǵany týraly qaýeset týraly surady.
"Bul - negizsiz aqparat. Men sol kezde jinalystarda boldym, keshki saǵat 17:00-de qalypty jumys kúni kezinde meni qamaýǵa aldy. Men Beijińnen jańa keldim (Boranbaev Ulttyq Paralimpiada komitetin basqardy - esk.), biz onda qola júlde aldyq. Iá, Rigaǵa túnde, saǵat ekide ushamyn dep oiladym(...) Nege qashýym kerek? Osynda týyp-óstim, ákem osynda jerlengen, anam da, biznes te osynda. Men qaida qashýym kerek?" - dedi Boranbaev.
Ol reistiń josparlanǵanyn túsindirdi. Onyń advokattary sotqa bul bir aiǵa josparlanǵan jumys sapary ekenin dáleldeitin barlyq qujatty usyndy.
Eske salaiyq, 26 jeltoqsanda Qarjy monitoringi agenttigi ókilderi Qairat Boranbaev isiniń jai-japsaryn aitqan bolatyn.
Vedomstvo málimetinshe, "AziiaGazChýndja" JShS quryltaishylary Qairat Boranbaev pen Roman Nahanov jáne Qazaq Gaz AQ basqarma tóraǵasynyń burynǵy orynbasary Tair Januzaqqa suiytylǵan munai gazyn satyp alý kezinde 14,5 milliard teńge urlaý jáne qylmystyq kiristerdi zańdastyrý derekteri boiynsha qylmystyq isti tergeýdi aiaqtady.
Ulttyq kompaniiaǵa keltirilgen zalal Qazaq Gaz AQ shottaryna aýdarý arqyly tolyq kólemde óteldi.
