Májilis depýtaty Qairat Balabiev densaýlyq salasyna qatysty Premer-Ministriniń orynbasary Ermek Kósherbaevqa depýtattyq saýal joldady. Osy oraida Ult.kz depýtattyq saýaldyń tolyq mátinin usynady.
Qazaqstan Respýblikasy Premer-Ministriniń orynbasary E.B. Kósherbaevqa
DEPÝTATTYQ SAÝAL
Qurmetti Ermek Bedelbaiuly!
Memleket Basshysy halyqqa Joldaýynda farmatsevtika ónerkásibin damytýǵa erekshe nazar aýdaryp, Úkimetke elimizdegi otandyq farmatsevtikalyq óndiristiń úlesin 50 %-ǵa deiin arttyrýdy tapsyrdy.
Bul másele Úkimettiń erekshe baqylaýynda jáne Densaýlyq saqtaý ministrligine (budan ári – Ministrlik) farmatsevtika ónerkásibi úshin qolaily jaǵdailar jasaý mindeti qoiyldy.
Al otandyq farmatsevtikalyq ónim óndirýshileriniń is júzindegi jaǵdaiy jáne Ministrlik pen Meditsinalyq jáne farmatsevtikalyq baqylaý komitetiniń (budan ári – Komitet) ustanymy men málimdeýleri múldem ártúrli.
Jalpy Qazaqstanda 97 farmatsevtikalyq óndirýshi jumys isteidi, onyń 34-i dárilik zattardy shyǵarýǵa jáne 63-i meditsinalyq maqsattaǵy buiymdar óndirisine mamandanǵan.
Parlament Májilisine otandyq farmatsevtikalyq taýar óndirýshiler toby (budan ári – Kompaniialar) júgindi. Olar Ministrlik pen Komitet tarapynan farmatsevtika ónerkásibi salasyndaǵy biýrokratiialyq qiyndyqtarǵa tap bolyp otyr.
Kompaniialar dárilik zattardy shyǵaryp, olardy emdeý mekemelerine jetkizýmen ainalysady. Olar úshin týyndap otyrǵan problemalardyń negizgi sebebi – óndirilgen dárilik zattardyń saýdalyq ataýyna shekti baǵalardy bekitý týraly Ministrliktiń №№ 77, 88 jáne 96 buiryqtar tizbesine engizilý protsesiniń negizsiz, uzaq ýaqytqa sozylýy.
Ministrliktiń joǵaryda atalǵan buiryqtardy bekitý tártibin saqtamaýy «SK Farmatsiia» JShS-niń biryńǵai distribiýtoryna meditsinalyq buiymdardy ýaqtyly shyǵarýǵa jáne jetkizýge kedergi keltiredi.
Osyǵan bailanysty investitsiialyq jobalardy iske qosý merzimi
1 jyldan bastap 9 jyldy quraidy. Mundai qiyndyqtar olardyń qalypty qyzmetin damytýǵa, sondai-aq investitsiialyq jobalardy iske asyrýǵa jáne jańǵyrtýǵa kedergi keltiredi.
Kompaniialar shyǵarylatyn ónim tizbesiniń tiisti buiryqtarǵa engizilýiniń negizsiz keshiktirilýine bailanysty Ministrlik pen Komitetke birneshe ret júgingen. Ministrliktiń derekteri boiynsha, shyǵarylatyn ónimge qatysty barlyq máseleler otandyq taýar óndirýshilerdi qoldaý boiynsha qajetti sharalar qabyldaý úshin Komitetke ýaqtyly tapsyrylady.
Alaida, 2022 jyldan bastap qazirgi ýaqytqa deiin Komitet negizsiz sebeptermen Ministrliktiń buiryqtaryna Kompaniialar shyǵaratyn ónimderdiń tizbesin engizý protsesin uzaqqa sozýda. Basqa da otandyq farmatsevtikalyq óndirýshiler dál osyndai jaǵdaida. Osynyń saldarynan terapiiany túbegeili ózgertetin jáne syrqaty jazylmaityn aýrýlardy emdeitin jańa preparattar qazaqstandyqtarǵa kidirip, óte kesh jetedi.
Eger Ministrlik pen Komitettiń otandyq óndirýshige degen qatynasy osyndai bolǵanda, óndiriletin ónimdi vedomstvolyq buiryqtarǵa engizý protsesi 3 jyldan 5 jylǵa deiin keshiktirilse, onda farmatsevtikalyq indýstriiany memlekettik qoldaý týraly sóz qozǵaýǵa da qajeti joq. Osyǵan bailanysty, eldegi menshikti farmatsevtikalyq óndiristiń úlesi 10 %-dan aspai, burynǵy deńgeide qalyp otyr.
Sonymen qatar, jasandy túrde jasalǵan biýrokratiialyq qiyndyqtar farmatsevtika ónerkásibiniń qalypty jaǵdaida damýyna kedergi keltirip qana qoimai, sonymen qatar jumys oryndarynyń qysqarý qaýpin týdyrady jáne jiyntyǵynda bankrottyqqa jáne óndiristerdiń jabylýyna ákeletini sózsiz.
Farmatsevtika indýstriiasy ulttyq ekonomika qurylymyndaǵy negizgi salanyń biri bolyp tabylady jáne tiimdi memlekettik qoldaý jasalǵan kezde importqa táýeldilikti azaitýǵa, sondai-aq ishki naryqtaǵy dári-dármek baǵasyn turaqtandyrýǵa múmkindik beredi.
Sonymen, farmatsevtika salasynda barlyq qajetti sheshimderdiń jedel qabyldanýy, al salany damytý úshin qajetti sharalar kidirissiz iske asyrylýy úshin tiisti sharalar qabyldap, qolaily jaǵdailar jasaý qajet.
Joǵaryda baiandalǵandar negizinde, qurmetti Ermek Bedelbaiuly, Sizden, otandyq óndirýshiler shyǵaratyn meditsinalyq dárilik zattar men meditsinalyq buiymdardyń vedomstvalyq №№ 77, 88 jáne 96 buiryqtardyń tizbesine engizý men bekitý protsesterin sozbalańdyqqa salmai, jeńildetý maqsatynda, atalǵan buiryqtardy qaita qaraýdy Densaýlyq saqtaý ministrligine tapsyrýyńyzdy suraimyn.
Qairat Balabiev, depýtat
