Erlan Turǵymbaev Ulttyq ulan bas qolbasshysynyń birinshi orynbasaryn tanystyrdy, dep habarlaidy QazAqparat.
Prezident Ákimshiliginiń kelisimi boiynsha Ishki ister ministriniń buiryǵymen general-maior Qairat Aqtanov QR Ulttyq ulany bas qolbasshysynyń birinshi orynbasary – bas shtab bastyǵy laýazymyna taǵaiyndaldy.
Ishki ister ministri politsiia general-leitenanty Erlan Turǵymbaev Qairat Mihailulyn Ulttyq ulan Bas qolbasshylyǵynyń jeke quramyna tanystyrdy.
– El Prezidenti ishki ister organdary men Ulttyq ulan aldynda úlken mindetter qoidy. Qańtar oqiǵalary, eń aldymen, bizden is-árekettiń, is-qimyldyń jedeldigin, Ishki ister jáne qorǵanys ministrlikteri arasynda qarym-qatynastyń anyqtyǵyn qajet ekenin kórsetti. Búgingi kúni IIM, Ulttyq ulannyń arnaiy maqsattaǵy bólimshelerin kúsheitý, olardyń shtattyq sanyn ulǵaitý josparlanyp otyr. Jalpy alǵanda vedomstvo qurylymdarynyń qyzmetin jetildirý jáne nyǵaitýǵa qatysty keshendi jumystardy bastap kettik. Elimiz úshin aýyr kúnderi politsiia qyzmetkerleri men Ulttyq ulan jaýyngerleri quqyqtyq tártipti qamtamasyz etý men turǵyndardy qorǵaý boiynsha kásibi biliktilik tanytty. General-maior Aqtanovtyń qoǵamdyq tártipti saqtaý men qylmysqa qarsy kúreske qatysty tapsyrmalardy oryndaýǵa bar kúsh-jigerin salaryna senimdimin, – dedi vedomstvo basshysy.
Qairat Aqtanov 1972 jyly naýryzda Soltústik Qazaqstan oblysynda dúniege kelgen. Qazaqstan Respýblikasy Shekara áskerleriniń Áskeri institýtyn, QR Qarýly Kúshteriniń Ulttyq qorǵanys ýniversitetin, Resei Federatsiiasy Bas shtabynyń akademiiasyn támamdaǵan.
IIM Ishki áskerleri qatarynda vzvod komandiri laýazymynan bastap, polk jáne qurama komandiri laýazymdaryna deiingi qyzmettik joldan ótti.
Ár jyldarda Ulttyq ulannyń «Batys», «Ońtústik», «Shyǵys» óńirlik qolbasshylyqtaryn basqardy jáne Ulttyq ulan bas qolbasshysynyń keńesshisi, Ulttyq ulan bas shtaby bastyǵynyń birinshi orynbasary mindetterin atqardy.
Qazaqstan Respýblikasynyń 12 medalimen nagradtalǵan, Ishki ister ministrliginiń qurmetti qyzmetkeri.
Ulandyqtarmen kezdesý aiasynda vedomstvo basshysy barlyq jeke quramnyń kásibi daiyndyǵyna, sondai-aq eldiń qoǵamdyq qaýipsizdigine tóngen jańa syn-qaterler jaǵdaiynda Ulttyq ulanǵa júktelgen tapsyrmalardyń erekshelikterin eskere otyryp, mamandardy daiarlaýǵa erekshe nazar aýdardy.
Sonymen qatar, Erlan Turǵymbaev Ulttyq ulan jeke quramyn Úkimettiń 2022 jylǵy 2 aqpandaǵy Qaýlysymen Qazaqstan Respýblikasy Ulttyq ulanynyń Áskeri institýtyna Akademiia mártebesiniń berilýimen quttyqtady.
- Áskeri institýttyń Akademiia bolyp qaita qurylýy áskeri jáne ǵylymi-pedagogikalyq kadrlardy, barlyq baǵyttaǵy jedel-taktikalyq deńgeidegi kásibi mamandardy daiyndaýdyń tiimdiligin arttyrýǵa, qoǵamdyq qaýipsizdik salasynda ǵylymi zertteýdi júrgizýge, ofitserler men ishki ister organdary jáne basqa da kúshtik qurylymdardyń qyzmetkerlerin qaita daiarlaýǵa múmkindik beredi, - dep qorytyndylady sózin Erlan Turǵymbaev.
