Bolashaq energiiasy - bul bos sóz emes. Mundai pikirdi búgin «Áielder bolashaqtyń energiiasyn qoldaidy» atty halyqaralyq forým barysynda QR Syrtqy ister ministri Qairat Ábdirahmanov bildirdi, dep habarlaidy Ult.kz tilshisi QazAqparat agenttigine silteme jasap.
«Biz energetikalyq revoltsiiany ilgeriletýge tiispiz. Bul rette adamzattyń jartysyn quraityn áielder barynsha belsendilik tanytýy qajet. Qazaqstan Prezidenti Nursultan Nazarbaev genderlik paritetti, sonymen qatar saiasat, ekonomika jáne tehnologiialyq protsesster salasyndaǵy erler men áielderdiń teńdigin tolyqtai qoldaidy. «Jasyl kreditteý» júiesin jáne áielderdiń «jasyl jobalarǵa» qatysýyn keńeitý áielder men qyzdar úshin ekonomikalyq múmkinshilikterdi keńeitý arqyly tiimdi jasyl biznes modeldi damytýǵa septigin tigizedi. Qazaqstan óziniń syrtqy saiasatynda mýltipoliarlyqty jáne teń negizde barlyq eldermen beibit qarym-qatynasty ustanady. Barlyǵymyz da bolashaq energiiasy - bul bos sóz emestigin túsinemiz», - dedi Qairat Ábdirahmanov.
Ol EKSPO alańynda Halyqaralyq jasyl tehnologiialar men investitsiialyq jobalardy damytý ortalyǵy qurylatyndyǵyn atap ótti. Sonymen qatar «Astana» halyqaralyq qarjy ortalyǵy dál sondai halyqaralyqtarmen jáne barlyq indýstrialdy eldermen yntymaqtastyqty jolǵa qoiatynyn aitty.
«Búgingi forým áielderdi barlyq qiyndyqtan arylýǵa kómektesýge baǵyttalǵan. Óitkeni olar balamaly energiia kózderin alýǵa laiyqty. Buǵan qosa, áielder jer sharynda atalǵan qozǵalystyń aldyńǵy leginde tur», - dedi Syrtqy ister ministri.
Aita keteiik, forým jumysyna álemniń 25 elinen 300-den astam delegat qatysýda. Olardyń arasynda RF Federaldy jinalysynyń Federatsiia keńesi tóraiymynyń orynbasary Galina Karelova, Belarýs Prezidenti Ákimshiliginiń basshysy Natalia Kochanova, Qyrǵyzstannyń vitse-permer-ministri Cholpan Sultanbekova, Jahandyq áielder sammitiniń prezidenti Iren Natividad, jasyl ekonomika men balamaly energetika salasyndaǵy álemdik áielder qaýymynyń, memlekettik organdardyń, biznes salasynyń, úkimettik emes uiymdar men Qazaqstan áielder qoǵamdastyǵynyń ókilderi bar.
