Aqmola oblysy men Shymkent qalasynda aýyl sharýashylyǵynyń joǵary ósimi tirkeldi. Bul týraly búgin Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Aýyl sharýashylyǵynda joǵary ósimdi Aqmola oblysy jáne Shymkent qalasy kórsetti. Bul rette Atyraý, Batys Qazaqstan Soltústik Qazaqstan, Mańǵystaý oblystarynda tómendeý tirkeldi. 7 ekonomikalyq kórsetkish boiynsha óńirlik bólinistegi jalpy jaǵdai mynadai. 5 kórsetkish boiynsha 6 óńir ósim kórsetti. Olar - Aqmola, Aqtóbe, Almaty, Jambyl, Qostanai oblystary, sondai-aq Shymkent qalasy», - dedi ol.
Ministrdiń aitýynsha, 7 óńirde 4 kórsetkish boiynsha ósý tirkeldi. Bul ortasha deńgei sanalady.
«4 óńirde 2-3 kórsetkish boiynsha ósim baiqaldy», - dedi Áset Erǵaliev.
