Qazaqstanda azamattar men kásipkerlik sýbektileriniń karantin sharalaryn saqtaýyna júrgiziletin monitoring jalǵasyp jatyr, dep habarlaidy "Ult aqparat".
Sanitarlyq-epidemiologiialyq baqylaý komitetiniń málimetine sensek, 1 qańtar men 10 mamyr aralyǵynda jumysshy top 80 352 reid júrgizgen.
El aýmaǵynda 500 646 nysan tekserýmen qamtyldy.
Nátijesinde 14 475 (2,8%) zańbuzýshylyq anyqtaldy.
Karantin talabyn buzý faktileriniń basym kópshiligi myna óńirlerde tirkeldi: ShQO (3 646), Túrkistan (2 230), Almaty (2 036), Shymkent (1 609) jáne Almaty oblysy (962).
Monitoring barysynda anyqtalatyn negizgi buzýshylyqtar: karantin kezeńinde qyzmetine tyiym salynǵan obektilerdiń jumys jasaýy, shekteý rejimin saqtamaý, shamadan tys adam jinai otyryp, buqaralyq is-sharalar ótkizý.
Atalǵan merzimde 268 material sotqa joldandy. Sot sheshimimen 70 nysannyń jumysy toqtatyldy.
8 271 kásipkerlik nysan men 6 425 jeke tulǵaǵa ákimshilik hattama toltyrylyp, 1,155 mlrd teńgeden astam aiyppul salyndy.
