2019 jyly Qazaqstan Respýblikasynyń Azamattyq hal-aktilerin tirkeý organdary dúniege kelgen 402 310 náresteni tirkedi, dep habarlaidy "Ult aqparat".
QR Ulttyq ekonomika ministrligi Statistika komitetinen málim etkendei, 402 310 shaqalaqtyń 239 496-sy nemese 59,5% - qalalarda, 162 814-i nemese 40,5% aýyldyq eldi mekenderde týǵan.
Sondai-aq dúniege kelgenderdiń 208 038-i nemese 51,7% - ul, 194 272-si nemese 48,3% - qyzdar. Týǵan kezdegi jynystardyń araqatynasy 100 qyz balaǵa shaqqanda 107 er balany quraǵan.
Qazaqstan óńirleri boiynsha eń joǵary týý kórsetkishi Mańǵystaý (1 myń turǵynǵa shaqqanda 29,72 sábi), Túrkistan oblystarynda (27,87) jáne Shymkent qalasynda (27,89) tirkeldi. Eń tómengi kórsetkish – Soltústik Qazaqstan (12,46), Qostanai (13,15) jáne Pavlodar (15,35) oblystarynda.
Byltyr bosanǵan áielderdiń ortasha jasy 28,9 jasty (2009 jyly – 27,4) qurady. Qalalyq mekenderde – 29,2 (2009 jyly – 27,6), aýyldyq mekenderde – 28,5 (2009 jyly – 27,3) jas.
«Qazaqstannyń kópshilik óńirlerinde bala týý kezindegi áielderdiń ortasha jasy ortasha respýblikalyq deńgeiden joǵary boldy. Almaty qalasynda 29,8 jasty, Nur-Sultan qalasynda 30 jasty qurady», - delingen aqparatta.
