2020 jyly Qazaqstanda 128,8 myń neke zańdastyrylsa, 48 myń erli-zaiypty ajyrasqan. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
Ótken jyly Qazaqstanda Azamattyq hal-aktilerin tirkeý (AHAT) organdary 128,8 myń nekeni zańdastyrdy. Bul ótken jylmen salystyrǵanda 7,6% az.
128,8 myń nekeniń:
- 85,8% - monoetnikalyq nekeler, 14,2% - etnosaralyq nekeler;
- 88,8 myńy nemese 68,9% - qalalarda, 40,1 myńy nemese 31,1% aýyldyq jerlerde tirkeldi;
- erlerdiń 83,5% jáne áielderdiń 85% birinshi ret nekege turdy;
- ajyrasqannan keiin qaita nekege turǵandar: erler – 15,4%, áielder – 13,5%
Ótken jyly eń kóp neke Nur-Sultan qalasynda tirkelgen. Eń azy – Soltústik Qazaqstan oblysynda.
Erlerdiń 36,1% 25-29 jasynda úilenedi, áielderdiń 43,7% 20-24 jasynda turmysqa shyǵady.
2020 jyly 2019 jylmen salystyrǵanda Qazaqstanda ajyrasqan juptar sany 19,7% azaiyp, 48 myńdy qurady.
Onyń ishinde:
- 34,4 myń ajyrasý (71,7%) – qalalarda;
- 13,6 myńy (28,3%) aýyldyq jerlerde tirkeldi.
- 1000 myń nekege 373 ajyrasýdan keledi.
Nekeni buzýdyń eń joǵary kórsetkishi Nur-Sultan qalasynda jáne Pavlodar oblysynda baiqaldy. Túrkistan oblysynda erli-zaiyptylar qarym-qatynasty úzýge eń az barady.
