Úkimet otyrysynda memlekettik biýdjetiń atqarylý barysyn baiandaǵan QR Qarjy ministri Erulan Jamaýbaev 8 aida shyǵysqa baǵyttalǵan 9,9 trln teńgeniń 7 mlrd teńgesi únemdelgenin málim etti, dep habarlaidy QazAqparat.
«Respýblikalyq biýdjet boiynsha 9,9 trln teńgege shyǵystar júrgizildi. Atqarylmaý 31 mlrd teńge bolsa, onyń ishinde 7 mlrd teńge únemdeldi. Iaǵni, 24 mlrd teńge igerilmegen. Igerilmeýdiń neǵurlym iri somalary Densaýlyq saqtaý, Ishki ister, Mádeniet jáne sport, Ádilet, Tótenshe jaǵdailar ministrlikterinde qalyptasty», - dedi vedomstvo basshysy.
Onyń aitýynsha, atalǵan organdardyń ózderi suratqan qarajatty tolyq igermeýine tólemniń negizdiligin rastaityn qujattardy usynbaý, oryndalǵan jumystardyń aktilerin, shot- faktýralardy ýaqtyly usynbaý siiaqty jaittar sebep bolǵan.
«Jergilikti biýdjet shyǵystary 5,2 trln teńgeni qurady. Munda 64 mlrd teńge igerilmegen. Biyl jalpy óńirlerge 2,5 trln teńge somasynda nysanaly transfert kózdelgen. 1 qyrkúiektegi jaǵdai boiynsha, olarǵa 1 trln 358 mlrd teńge bólingen. Onyń 98% igerildi. Igerilmegen 26,5 mlrd teńgeniń 3 mlrd teńgesi únemdeldi. Eń kóp igerilmegen soma Nur-Sultan, Almaty qalalary men Batys Qazaqstan, Qyzylorda, Túrkistan oblystarynda qalyptasty», - dedi Qarjy ministri.
