ٷكٸمەت وتىرىسىندا مەملەكەتتٸك بيۋدجەتٸڭ اتقارىلۋ بارىسىن بايانداعان قر قارجى مينيسترٸ ەرۇلان جاماۋباەۆ 8 ايدا شىعىسقا باعىتتالعان 9,9 ترلن تەڭگەنٸڭ 7 ملرد تەڭگەسٸ ٷنەمدەلگەنٸن مەلٸم ەتتٸ, دەپ حابارلايدى قازاقپارات.
«رەسپۋبليكالىق بيۋدجەت بويىنشا 9,9 ترلن تەڭگەگە شىعىستار جٷرگٸزٸلدٸ. اتقارىلماۋ 31 ملرد تەڭگە بولسا, ونىڭ ٸشٸندە 7 ملرد تەڭگە ٷنەمدەلدٸ. ياعني, 24 ملرد تەڭگە يگەرٸلمەگەن. يگەرٸلمەۋدٸڭ نەعۇرلىم ٸرٸ سومالارى دەنساۋلىق ساقتاۋ, ٸشكٸ ٸستەر, مەدەنيەت جەنە سپورت, ەدٸلەت, تٶتەنشە جاعدايلار مينيسترلٸكتەرٸندە قالىپتاستى», - دەدٸ ۆەدومستۆو باسشىسى.
ونىڭ ايتۋىنشا, اتالعان ورگانداردىڭ ٶزدەرٸ سۇراتقان قاراجاتتى تولىق يگەرمەۋٸنە تٶلەمنٸڭ نەگٸزدٸلٸگٸن راستايتىن قۇجاتتاردى ۇسىنباۋ, ورىندالعان جۇمىستاردىڭ اكتٸلەرٸن, شوت- فاكتۋرالاردى ۋاقتىلى ۇسىنباۋ سيياقتى جايتتار سەبەپ بولعان.
«جەرگٸلٸكتٸ بيۋدجەت شىعىستارى 5,2 ترلن تەڭگەنٸ قۇرادى. مۇندا 64 ملرد تەڭگە يگەرٸلمەگەن. بيىل جالپى ٶڭٸرلەرگە 2,5 ترلن تەڭگە سوماسىندا نىسانالى ترانسفەرت كٶزدەلگەن. 1 قىركٷيەكتەگٸ جاعداي بويىنشا, ولارعا 1 ترلن 358 ملرد تەڭگە بٶلٸنگەن. ونىڭ 98% يگەرٸلدٸ. يگەرٸلمەگەن 26,5 ملرد تەڭگەنٸڭ 3 ملرد تەڭگەسٸ ٷنەمدەلدٸ. ەڭ كٶپ يگەرٸلمەگەن سوما نۇر-سۇلتان, الماتى قالالارى مەن باتىس قازاقستان, قىزىلوردا, تٷركٸستان وبلىستارىندا قالىپتاستى», - دەدٸ قارجى مينيسترٸ.
