Búgin Úkimet otyrysynda QR Qarjy ministri Erulan Jamaýbaev biýdjet qarajatyn igere almaǵan ministrlikter men ákimdikterdi atady, dep habarlaidy QazAqparat.
«Memlekettik biýdjettiń shyǵystary - 97,3, respýblikalyq biýdjettiń shyǵystary – 99, jergilikti biýdjetterdiń shyǵystary 94,5 paiyzǵa atqaryldy. Respýblikalyq biýdjet boiynsha somasy 2 trln 510 mlrd teńgege shyǵystar júrgizildi. Atqarylmaý 25 mlrd teńgeni qurady. Onyń ishinde 13 mlrd teńge - únemdeý. Igerilmegeni - 12 mlrd. teńge», - dedi 2021 jyldyń qańtar-aqpanyndaǵy respýblikalyq biýdjettiń oryndalýy jaiynda baiandaǵan ministr.
Onyń dereginshe, igerilmegen neǵurlym iri soma Qorǵanys, Eńbek jáne halyqty áleýmettik qorǵaý, Densaýlyq saqtaý, Ádilet jáne Mádeniet jáne sport ministrlikterinde qalyptasyp otyr.
«Igerilmeýdiń negizgi sebepteri: konkýrstyq rásimderdi uzaq ýaqyt ótkizý jáne ýaqtyly ótkizbeý, tólem jónindegi qujattardy uzaq kelisý, oryndalǵan jumystar aktilerin ýaqtyly usynbaý, naqty kórsetilgen qyzmetter kólemi, oryndalǵan jumystar úshin aqy tóleý, sharttar men qosymsha kelisimderdi qazynashylyq organdaryna tirkeýge kesh usyný», - dedi ol.
Sonymen qatar ministr dereginshe, jergilikti biýdjetterdiń shyǵystary 853 mlrd teńgeni qurady. Atqarylmaǵany - 49 mlrd teńge.
«Osy jyly óńirlerge 1,9 trln teńge somasynda nysanaly transfertter kózdelgen. Olarǵa 1 naýryzǵa deiin 211 mlrd teńge bólingen. Onyń 95,1 paiyzy igerilgen. Atqarylmaǵany – 10 mlrd teńge, onyń ishinde 1 mlrd teńge – únemdeý, 9 mlrd teńge igerilmedi. Eń kóp igerilmeý Mańǵystaý oblysy, Nur-Sultan qalasynda, Túrkistan, Batys Qazaqstan jáne Pavlodar oblystarynda qalyptasty», -dedi Erulan Jamaýbaev.
