بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ بيۋدجەت قاراجاتىن يگەرە الماعان مينيسترلٸكتەر مەن ەكٸمدٸكتەردٸ اتادى, دەپ حابارلايدى قازاقپارات.
«مەملەكەتتٸك بيۋدجەتتٸڭ شىعىستارى - 97,3, رەسپۋبليكالىق بيۋدجەتتٸڭ شىعىستارى – 99, جەرگٸلٸكتٸ بيۋدجەتتەردٸڭ شىعىستارى 94,5 پايىزعا اتقارىلدى. رەسپۋبليكالىق بيۋدجەت بويىنشا سوماسى 2 ترلن 510 ملرد تەڭگەگە شىعىستار جٷرگٸزٸلدٸ. اتقارىلماۋ 25 ملرد تەڭگەنٸ قۇرادى. ونىڭ ٸشٸندە 13 ملرد تەڭگە - ٷنەمدەۋ. يگەرٸلمەگەنٸ - 12 ملرد. تەڭگە», - دەدٸ 2021 جىلدىڭ قاڭتار-اقپانىنداعى رەسپۋبليكالىق بيۋدجەتتٸڭ ورىندالۋى جايىندا بايانداعان مينيستر.
ونىڭ دەرەگٸنشە, يگەرٸلمەگەن نەعۇرلىم ٸرٸ سوما قورعانىس, ەڭبەك جەنە حالىقتى ەلەۋمەتتiك قورعاۋ, دەنساۋلىق ساقتاۋ, ەدiلەت جەنە مەدەنيەت جەنە سپورت مينيسترلٸكتەرٸندە قالىپتاسىپ وتىر.
«يگەرٸلمەۋدٸڭ نەگٸزگٸ سەبەپتەرٸ: كونكۋرستىق رەسٸمدەردٸ ۇزاق ۋاقىت ٶتكٸزۋ جەنە ۋاقتىلى ٶتكٸزبەۋ, تٶلەم جٶنٸندەگٸ قۇجاتتاردى ۇزاق كەلٸسۋ, ورىندالعان جۇمىستار اكتٸلەرٸن ۋاقتىلى ۇسىنباۋ, ناقتى كٶرسەتٸلگەن قىزمەتتەر كٶلەمٸ, ورىندالعان جۇمىستار ٷشٸن اقى تٶلەۋ, شارتتار مەن قوسىمشا كەلٸسٸمدەردٸ قازىناشىلىق ورگاندارىنا تٸركەۋگە كەش ۇسىنۋ», - دەدٸ ول.
سونىمەن قاتار مينيستر دەرەگٸنشە, جەرگٸلٸكتٸ بيۋدجەتتەردٸڭ شىعىستارى 853 ملرد تەڭگەنٸ قۇرادى. اتقارىلماعانى - 49 ملرد تەڭگە.
«وسى جىلى ٶڭٸرلەرگە 1,9 ترلن تەڭگە سوماسىندا نىسانالى ترانسفەرتتەر كٶزدەلگەن. ولارعا 1 ناۋرىزعا دەيٸن 211 ملرد تەڭگە بٶلٸنگەن. ونىڭ 95,1 پايىزى يگەرٸلگەن. اتقارىلماعانى – 10 ملرد تەڭگە, ونىڭ ٸشٸندە 1 ملرد تەڭگە – ٷنەمدەۋ, 9 ملرد تەڭگە يگەرٸلمەدٸ. ەڭ كٶپ يگەرٸلمەۋ ماڭعىستاۋ وبلىسى, نۇر-سۇلتان قالاسىندا, تٷركٸستان, باتىس قازاقستان جەنە پاۆلودار وبلىستارىندا قالىپتاستى», -دەدٸ ەرۇلان جاماۋباەۆ.
