Respýblikalyq biýdjettiń igerilmeýiniń negizgi sebepteri – konkýrstyq rásimdeýdiń uzaq ótkizilýi jáne ýaqytyly ótkizilmeýi, tólemderdiń naqty kórsetilgen qyzmet kólemi oryndalǵan jumys úshin júrgizilýi, sharttardy uzaq kelisý jáne taǵy basqa sebepter. Bul týraly Úkimet otyrysynda QR Qarjy ministri Erlan Jamaýbaev aitty, dep habarlaidy QazAqparat.
«Memlekettik biýdjettiń shyǵystary - 99,1%, Respýblikalyq biýdjettiń shyǵystary - 99,6%, jergilikti biýdjettiń shyǵystary 98,7% atqaryldy. Ótken jyldyń sáikes kezeńimen salystyrǵanda biýdjetterdiń barlyq deńgeiinde atqarylý kórsetkishi joǵary», - deidi Erlan Jamaýbaev.
Onyń aitýynsha, respýblikalyq biýdjet boiynsha somasy 4,8 trln teńge shyǵys júrgizildi. Atqarylmaǵany – 20 mlrd teńge.
Onyń ishinde 7 mlrd teńge únemdelse, 13 mlrd teńge igerilmegen.
«Igerilmegen neǵurlym iri somalar Ishki ister ministrligi, Qorǵanys ministrligi, Tsifrlyq damý, innovatsiialar jáne aeroǵarysh ónerkásibi ministrligi, Bilim jáne ǵylym ministrligi jáne Tótenshe jaǵdailar ministrliginde bolǵan. Onyń negizgi sebepteri – konkýrstyq rásimdeýdiń uzaq ótkizilýi jáne ýaqytyly ótkizilmeýi, tólemderdiń naqty kórsetilgen qyzmet kólemi oryndalǵan jumys úshin júrgizilýi, sharttardy uzaq kelisý jáne taǵy basqa sebepter», - deidi ol.
