CC0 / Bernd Schray /
Premer-ministrdiń orynbasary Eraly Toǵjanov zeinet jasyn tómendetý máselesi arnaiy jumys tobynda talqylanyp jatqanyn málimdedi, dep habarlaidy Sputnik Qazaqstan.
Aita keteri, buǵan deiin Eńbek jáne halyqty áleýmettik qorǵaý ministri Tamara Dúisenova zeinet jasyn tómendetýge qatysty usynystardyń qarjy ministrligine jiberilgenin aitqan. Mamandar barlyq usynysty zerdelep, esep-qisabyn shyǵarýy tiis.
Alaida Úkimet basshysynyń orynbasary - qarjy ministri Erulan Jamaýbaev ózi basqaryp otyrǵan vedomstvoda zeinet jasyn tómendetý máselesiniń qaralmaǵanyn málimdedi.
Úkimette dál osy máselege Premer-ministrdiń orynbasary Eraly Toǵjanov jaýapty. Onyń aitýynsha, zeinet jasyn tómendetý máselesi arnaiy jumys tobynda qaralyp jatyr.
"Áleýmettik kodeks aiasynda barlyq usynys talqylanyp jatyr. Sonyń ishinde zeinet jasyn tómendetý máselesi de bar. Jumys toby qurylǵan", - dedi Toǵjanov jýrnalisterge bergen suhbatynda.
Osy oraida vitse-premer áielderdiń zeinet jasyn tómendetý máselesi áriptesiniń quziretine kirmeitinin eske saldy.
"Iá, ol da vitse-premer, biraq basqa máselelerge jaýap beredi. Oǵan tikelei men jaýaptymyn", - dep atap kórsetti Toǵjanov.
Alaida qarjy ministrligi de zeinet jasyn tómendetý máselesin talqylaýǵa qatysyp otyrady. Toǵjanov áriptesi bilmeitin nárseni ózinen suraýǵa keńes berdi.
