QR Indýstriia jáne infraqurylymdyq damý ministrligi Kólik komiteti tóraǵasynyń orynbasary Altai Sembekuly óńirlerde avtobýs parkterin jańartý máselesin kóterdi, dep habarlaidy QazAqparat.
«Qazirgi kezde qalalardaǵy avtobýs tasymalynda 10 525 kólik bar. Olardyń tozý deńgeii 46 paiyzǵa jetti. Qaladaǵy avtobýs parkin jańartý máselesi tasymaldaýshylar shyǵyndaryn sýbsidiialaýmen tyǵyz bailanysty. Sondyqtan tiisti deńgeide sýbsidiialaý somasyna qarai tasymaldaýshylar ózderiniń parkterin jańartý múmkindigine ie bolady», - dedi A. Sembekuly ministrlikte ótken keńeste.
Onyń aitýynsha, eskirgen avtobýstardyń 50 paiyzdan astamy Aqtaý, Óskemen, Taldyqorǵan, Petropavl, Oral jáne Qostanai qalalarynda jolaýshy tasymaldap júr.
«Sonymen qatar, jeńildikpen lizing boiynsha qarjylandyrý baǵdarlamasy aiasynda otyndyq óndiristiń avtobýstaryn jetkizý úshin 2018-2021 jyldary respýblikalyq biýdjetten 79 mlrd teńgege jýyq bólindi. Osy baǵytta 2 283 avtobýs qamtamasyz etildi», - dedi vedomstvo ókili.
Budan buryn habarlanǵandai, Altai Sembekuly qalalarda jolaýshylar tasymaly salasynda áleýmettik mańyzdaǵy baǵdarlardy sýbsidiialaý problemalaryn aitty.
Sońǵy 4 jylda sýbsidiialaý somasy bes ese ósip, 102 mlrd teńgeni qurady. Degenmen bul qarajattyń 80 paiyzǵa jýyǵy tek Nur-Sultan, Almaty, Shymkent qalalaryna ǵana tiesili boldy.
