QR Bas memlekettik sanitar dárigeri Jandarbek Bekshin koronavirýs boiynsha asa qaýipti memleketter tizimin jariialady, dep habarlaidy "Ult aqparat".
Bul tizimdegi memleketterden kelgen qazaqstandyqtar úi karantinine oqshaýlanady.
«Qaýpi jaǵynan birinshi sanatqa Qytai, Ońtústik Koreia, Japoniia, Italiia, Iran, Gonkong, Makao, Taivan enip otyr. Ekinshi sanatta úsh memleket bar - Singapýr, Tailand, Malaiziia. Úshinshi sanatqa - Vetnam, Germaniia, Aýstraliia, AQSh, Birikken Arab ámirlikteri, Kanada, Ulybritaniia men Frantsiia engizildi», - dedi bas sanitar Ortalyq kommýnikatsiialar qyzmetinde ótken baspasóz máslihatynda.
Birinshi sanattaǵy elderden kelgen azamattar 1 naýryzdan bastap úide karantinge oqshaýlanady. Kúndelikti jergilikti dárigerler osy azamattardy qarap shyǵyp, naqty tapsyrma beretin bolady.
«Bul olardyń aýrý ekenin bildirmeidi. Biz aldyn alý sharalaryn jasap jatyrmyz. Azamattar ózderi elge kelgen soń oqshaýlanýy tiis. Olarǵa jaqsy jeldenetin bólek bólme berý kerek, úige qonaq shaqyrýǵa, qoǵamdyq oryndarǵa barýǵa, qoǵamdyq kólik paidalanýǵa da shekteý qoiyp jatyrmyz», - dedi J. Bekshin.
