Qalalyq statistika departamentiniń derekterine qaraǵanda, 2018 jylǵy qańtar-mamyr ailary aralyǵynda Astana qalasyna 35370 adam kelip, 30981 adam kóship ketken (kóshi-qon aiyrymy +4389 adam), dep habarlaidy elorda ákimdiginiń resmi saity.
Osy jyldyń qańtar-mamyr ailaryndaǵy kórsetkishti 2017 jylǵy qańtar-mamyrmen salystyrǵanda kelgender sany 49,5 paiyzǵa, ketkender 37,5 paiyzǵa azaiǵan.
«Qalanyń negizgi kóshi-qon almasýy aimaqtyq kóshi-qon esebinen qalyptasqan: Osy jyldyń qańtar-mamyr aralyǵynda kelgender 21322 adamdy, ketkender 16424 adamdy quraidy. Elorda halqynyń kóshi-qon ósiminde kelgender úlesi Aqmola oblysynan - 19,4%, Ońtústik Qazaqstannan - 14,2%, Qaraǵandydan - 9,8%, Shyǵys Qazaqstannan - 8,9%, Almaty qalasynan - 8,2% jáne basqa oblystardan 39,5%-dy quraidy», delingen habarlamada.
Astana qalasynyń TMD-nyń myna elderimen kóshi-qon aiyrymy oń mándi: Ázerbaijan Respýblikasy, Qyrǵyz Respýblikasy, Ózbekstan Respýblikasy.
Basqa eldermen oń mándi kóshi-qon aiyrymy - negizinen Grýziia, Ulybritaniiamen, Birikken Arab Ámirligi, AQSh, Saýd Araviiasy, Ispaniia, Cheh Respýblikasy, Qytai, Japoniia, Litva, Túrkiia, Koreia Respýblikasy, Malaiziia jáne Monǵoliia.
«Ult boiynsha kóship-qonýshylar qurylymyndaǵy aitarlyqtai úles salmaq qazaqtarǵa tiesili - 89,4%-y jáne ketkender sanynyń 86,6%-y keledi. Kelgender men ketkender arasynda orystardyń úlesi tiisinshe 5,5% jáne 7%, ýkraindar - 0,8% jáne 1%, ózbekter - 0,6% jáne 1,3%, tatarlar - 0,8% jáne 0,7%, nemister - 0,5% jáne 0,7%, ózge ulttar - 2,4% jáne 2,7%-dy quraidy», delingen departament aqparatynda.
