QR Investitsiialar jáne damý ministrligi Kólik komitetiniń qyzmetkerleri «Abai bolyńyz, qaýipti júk!» aktsiiasyn ótkizdi, dep habarlaidy QR IDM resmi saity.
Jyl saiyn ótkiziletin shara qaýipti júk tasymaldaityn avtokólik quraldaryn baqylaýdy kúsheitýge baǵyttalǵan. 1 qazannan 1 qarashaǵa deiin el aýmaǵynda 1018 avtokólik tekserildi. Shara barysynda júk tasymaldaýdyń sharttary, qajetti qujattar, kóliktiń tehnikalyq jaǵdaiy, júrgizýshilerdiń eńbek jáne demalys rejimderin saqtaýy siiaqtylar tekserildi.
Tekserýden ótken avtokólik quraldarynyń 415-inen ereje buzýshylyq anyqtalyp, 22,5 mln teńge kóleminde aiyppul salynyp, 2,7 mln teńge kóleminde jol alymy belgilendi. Sonyń ishinde 377 ereje buzýshylyq qazaqstandyq, qalǵan 38-i sheteldik tasymaldaýshylardyń úlesine týra keledi.
