Patogendi biologiialyq agenttermen jumys isteý salasyndaǵy quqyq buzýshylyqtar úshin jaýapkershilik kúsheitiledi, dep habarlaidy QazAqparat.
Bul qadamdar búgin Májilistiń jalpy otyrysynda birinshi oqylymda maquldanǵan «Qazaqstan Respýblikasynyń keibir zańnamalyq aktilerine biologiialyq qaýipsizdik máseleleri boiynsha ózgerister men tolyqtyrýlar engizý týraly» zań jobasynda qamtylǵan.
«Zań jobasyn ázirleý salalyq zańnamany «Qazaqstan Respýblikasynyń biologiialyq qaýipsizdigi týraly» zań jobasynyń erejelerine sáikes keltirý, Qazaqstanda biologiialyq qaýipsizdikti qamtamasyz etýdiń biryńǵai júiesin qurý maqsatynda retteýshilik tetikterdi jetildirý jáne talaptardy buzǵany úshin jaýapkershilikti belgileý qajettiligine negizdelgen», - QR Densaýlyq saqtaý ministri Aleksei Tsoi.
Ilespe zań jobasy úkimettik nusqada 3 kodeksti jáne 10 zańdy qosa alǵanda, 13 zańnamalyq aktige ózgerister engizýdi kózdeidi. Onyń ishinde:
- asa qaýipti bioagenttermen jumys isteitin uiymdardy aldaǵy tekserý týraly aldyn ala habarlaýdy alyp tastai otyryp, biotáýekelderdi esepke alý, monitoringteý jáne baǵalaý derekteri negizinde naqty memlekettik baqylaýdy engizýdi;
- qaýipti patogenderdi zańsyz qoldanǵany, ótkizgeni jáne urlaǵany úshin, sondai-aq aýyr zardaptarǵa ákep soqtyrǵan, olarmen jumys isteý talaptaryn buzǵany úshin qylmystyq jaýaptylyq engizýdi;
- densaýlyq saqtaý salasynda dezinfektsiia, dezinsektsiia jáne deratizatsiia jónindegi qyzmetterdi litsenziialaýdy engizýdi;
- jumys júrgiziletin patogenderdi kórsete otyryp, árbir obektige ruqsat berý bóliginde ruqsat berý júiesin naqtylaý, sondai-aq sol ruqsattardan aiyrý (keri qaitaryp alý) úshin negizderdi belgileýdi;
- bioqaýipsizdikti qamtamasyz etý maqsatynda Qorǵanys ministrliginiń ókilettikterin tolyqqandy iske asyrý úshin tiisti retteýdi belgileýdi;
- biologiialyq qarýdy ázirleýge, óndirýge jáne jinaýǵa tyiym salý jónindegi halyqaralyq mindettemelerdi oryndaý maqsatynda ýákiletti organdy terroristik qaýip-qaterlerge qarsy is-qimyldyń biryńǵai júiesine engizýdi;
- patogendigi I toptaǵy patogendi biologiialyq agenttermen jumys isteitin yqtimal qaýipti obektilerdi strategiialyq obektilerge jatqyzýdy kózdeidi.
«Zań jobasy qoldanysqa engizý úshin alty ailyq ótpeli kezeńdi, sondai-aq densaýlyq saqtaý salasynda dezinfektsiia, dezinsektsiia jáne deratizatsiia qyzmetterin kórsetýge litsenziiany resimdeý úshin qosymsha 6 aidy kózdeidi», - dedi ministr.
