Shyǵys Qazaqstan oblysynyń Qatonqaraǵai aýdany Aqqainar aýylynyń janynda ornalasqan Shý qorymyn zertteý barysynda ár túrli jer ústi qurylysy bar elýden asa jerleý ǵuryptyq eskertkishteri shoǵyrlanǵany anyqtaldy, dep habarlaidy "Ult aqparat" «Berel» memlekettik tarihi-mádeni qoryq-mýzeiiniń baspasóz qyzmetine silteme jasap.
Arheologtardyń aitýynsha, obalar erte temir dáýiriniń erte kezeńine jatady. Mundai boljam jasaýǵa obadaǵy jerleý ǵurpy negiz bolǵan. Obanyń qabir shuńqyrynda eki kisiniń máiiti qoiylǵan, birinshisi - qarý jaraq asynǵan iri deneli er adam. Qarýlardyń ishinde qola qanjar jáne qoladan jasalǵan aibalta bar.
Sonymen qatar jebe salatyn qoramsaq tabyldy, onyń beldikke iletin qola ilmegi bar. Jebesiniń ushy súiekten jasalǵan. Al, qalǵandary qola.
Mamandardyń aitýynsha, qarýlar shaiqasqa arnalmaǵan, sebebi kishkene etip jasalǵan.
Ekinshi máiit er adamnan keiin jerlengen. Onyń súiegi kishileý, jambas tusyna teri ústi toqylǵan qaltaǵa salynǵan qola aina qoiylǵan.
Máiittermen birge qysh ydystar jáne qoidyń quiymshaq súiegi qoiylǵan. Qysh ydystardyń erneýinde órnekteri bar.
Aita keterligi, Aqqainar aýylynda júrgizilip jatqan arheologiialyq qazba jumystarynyń jetekshisi belgili arheolog Zeinolla Samashev.
