QR Tuńǵysh Prezidenti Nursultan Nazarbaev jemqorlyqpen kúresti kúsheitý máselesin kóterdi, dep habarlaidy QazAqparat.
«Sybailas jemqorlyqpen kúresti barynsha kúsheitip, qatardy «tazartý» kerek. Bul týraly kóp aityp kelemiz. Sailanǵan Prezident te jaqynda osy másele týraly aityp ketken bolatyn. Álbette, biz de, agenttik te jumys istep jatyr. Alaida biz bul kúreske halyqty tartqan joqpyz. Singapýrda tártip bar: eger men óz áriptesterimmen bir kabinette jumys istesem, bireý jemqorlyqqa barǵaly jatsa, ol týraly men aitpasam – sol úshin meni jazalaidy. Bizde tipti ondai psihologiia da joq», - dedi Nursultan Nazarbaev «Nur Otan» partiiasy Saiasi keńesiniń keńeitilgen otyrysynda.
Elbasy osy rette úzdik elderdiń tájiribesin sińirý kerektigin aitty.
«Eger biz bárin ózimizden bastamasaq, bul dertti jeńe almaimyz. Iá, IIM, UQK, agenttik jumys júrgizip jatyr. Al bizde kerisinshe, zań buzýshylardy qorǵaý qalyptasyp qalǵan», - dedi Nursultan Nazarbaev.
