Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Nur-Sultan qalasyna resmi saparmen kelgen Qatar Memleketi Premer-Ministriniń orynbasary - Syrtqy ister ministri sheih Muhammed ben Abdýlrahman Ál Tánimen kelissózder júrgizdi, dep habarlaidy QR SIM baspasóz qyzmeti.
Bul Qatar syrtqy saiasi vedomstvosy basshysynyń Qazaqstanǵa alǵashqy kelýi, ol túrli salalardaǵy ekijaqty yntymaqtastyqty jandandyrýǵa serpin berýge baǵyttalǵan.
Kelissózder barysynda, saýda-ekonomikalyq jáne investitsiialyq salalardaǵy Qazaqstan-Qatar qatynastarynyń aǵymdaǵy jai-kúii men damý perspektivalary qaraldy. Taraptar halyqaralyq jáne óńirlik kún tártibindegi ózekti máseleler jóninde pikir almasty.
Qazaqstan aýmaǵynda aýyl sharýashylyǵy, geologiialyq barlaý jáne taý-ken ónerkásibi, kólik jáne logistika, sondai-aq qarjy jáne bank qyzmeti salasyndaǵy birlesken jobalardy iske asyrýǵa múddelilik rastaldy. Taraptar sondai-aq eki eldiń halyqaralyq jáne óńirlik uiymdar, sonyń ishinde BUU, AÓSShK, IYU jáne t.b. sheńberindegi ózara is-qimylynyń joǵary deńgeiin atap ótti.
