© Photo : Rixabay/ Tariq Abro
Skandinaviia elinde Qurandy birneshe ret qorlaý deregine bailanysty narazylyq bildirý úshin Katardyń syrtqy ister ministrligi Shvetsiia elshisin shaqyrdy, dep habarlaidy RIA Novosti agenttigi vedomstvonyń baspasóz qyzmetine silteme jasap.
"Katar syrtqy ister ministrligi Islamǵa jáne Quranǵa qarsy jalǵasyp jatqan teris áreketterge bailanysty Shvetsiia elshisin shaqyryp, oǵan resmi narazylyq memorandým tapsyrylǵanyn habarlaidy. Bul memorandýmda Shvetsiia biligin osy teris áreketterdi toqtatýǵa shaqyrǵan úndeý de bar", - delingen habarlamada.
Aita keteiik, maýsymnyń sońynda Stokgolmde Qurban aitty toilaý kezinde Qurandy qorlaǵan jáne órtegen aktsiia ótti. Bul álemniń kóptegen elinde shý týdyrdy.
Birqatar islam memleketi Shvetsiia biliginiń áreketin qatań synǵa aldy. Irakta eldiń elshiliginde jappai narazylyq sherýleri ótti, narazy halyq immigrantty jazalaý úshin sotqa berýdi talap etti.
Aljir, Aýǵanstan, Mysyr, Indoneziia, Livan, Siriia, Túrkiia, Ózbekstan, Arab memleketteri Ligasynyń bas hatshysy Ahmed Abýl Geit jáne Parsy shyǵanaǵy arab elderiniń yntymaqtastyq keńesiniń bas hatshysy Djasem ál-Býdaive de bul áreketti synady. Iordaniia men BAÁ syrtqy ister ministrlikteri narazylyq notasyn tapsyrý úshin Shvetsiia elshilerin vedomstvoǵa shaqyrdy.
Sonymen birge Shvetsiiada dini kitaptarǵa ziian keltiretin birqatar áreketke ruqsat etilgeni týraly aqparat paida boldy.
