Qasym-Jomart Toqaev Qatar premer-ministriniń orynbasary – syrtqy ister ministri Muhammed ben Abdýlrahman Ál Tanidy qabyldady, - dep habarlaidy "Ult aqparat" Aqordaǵa silteme jasap.
Kezdesýde qazaq-qatar qarym-qatynastaryn damytý perspektivalary talqylandy. Saýda-ekonomikalyq yntymaqtastyqty keńeitýge, sonyń ishinde ekonomikanyń negizgi salalarynda birlesken investitsiialyq jobalardy iske asyrýǵa erekshe nazar aýdaryldy.
Sonymen qatar halyqaralyq uiymdar aiasyndaǵy ózara is-qimyldy qarastyryp, óńirlik kún tártibindegi ózekti máseleler jóninde pikir almasty.
Memleket basshysy qyrkúiek aiynda Er-Riiadta ótetin Ortalyq Aziia jáne Parsy shyǵanaǵy elderi syrtqy ister vedomstvolary basshylarynyń dialog alańynyń birinshi otyrysyn quptaitynyn jetkizdi.
Muhammed ben Abdýlrahman Ál Tani Qasym-Jomart Toqaevqa Qatar Ámiriniń sálemin jetkizip, onyń jýyq arada Qazaqstanǵa keletinin rastady.
