QR ishki ister ministri Qalmuhanbet Qasymov otstavka týraly sheshimdi prezident qabyldaitynyn aitty, dep habarlaidy Sputnik Qazaqstan tilshisi.
"Biz áskeri adambyz, prezident qalai sheshedi, soǵan baǵynamyz. Buiryq berilgen jerde isteimiz",- dep qysqa qaiyrdy ministr OKQ-de ótken brifingte.
Aita ketsek, mánerlep syrǵanaýshy Denis Tenniń óliminen keiin qazaqstandyqtar ishki ister ministrligine reforma kerektigin aityp, Qalmuhanbet Qasymov bastaǵan basshylyqtyń otstavkaǵa ketýin talap etken edi.
Qazaqstandyq sportshy osy jyldyń 19 shildesinde Almatyda avtokólik urylarynyń qolynan qaza tapty.
Atalǵan fakti boiynsha úsh adam ustaldy. Olar Jambyl oblysynyń týmasy 24 jastaǵy Nuraly Qiiasov, Qyzylorda oblysynyń 1994 jylǵy týmasy Arman Qudaibergenov jáne Janar Tolybaeva. Alǵashqy ekeýi urlyq, qaraqshylyq jáne adam ólimi boiynsha, al áiel qylmys jasalǵanyn habarlamaǵany úshin aiyptalyp otyr.
