Bishkek qalasynda Qazaqstan Respýblikasy jáne Qyrǵyz Respýblikasy qaýipsizdik keńesteri apparattary arasyndaǵy keńeitilgen josparly konsýltatsiialar ótti, – dep habarlaidy «Ult aqparat» Aqordaǵa silteme jasap.
Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy Qalmuhanbet Qasymovtyń jáne Qyrǵyz Respýblikasy Qaýpsizdik Keńesiniń Hatshysy Damir Sagynbaevtyń tóraǵalyǵymen ótken kelissózderge ortalyq memlekettik organdar basshylary qatysyp, yntymaqtastyqtyń ózekti máseleleri talqylandy.
Taraptar óńirlik qaýipsizdiktiń qazirgi jáne yqtimal qaýip-qaterleri boiynsha pikir almasyp, halyqaralyq terrorizmge jáne dini ekstremizmge birlesken qarsy áreketti egjei-tegjeili qarastyrdy. Onyń ishinde búgingi qalyptasqan ahýaldy eskere otyryp, aldaǵy ýaqytta atalǵan baǵytta úilesimdi jumysty kúsheitýdiń mańyzdylyǵy aityldy.
Sonymen qatar konsýltatsiialar barysynda zańsyz esirtki ainalymymen kúres jáne migratsiialyq zańdylyqty buzý boiynsha Qazaqstan men Qyrǵyzstannyń memlekettik organdarynyń yntymaqtastyǵy sóz boldy. Bul baǵyttardaǵy ózara árekettestiktiń qazirgi jaǵdaiyna taldaý júrgizilip, jumysty jaqsartý maqsatynda naqty usynystar jasaldy. Jumystyń nátijeleri boiynsha eki eldiń tiisti memlekettik organdaryna naqty tapsyrmalar berildi.
Budan basqa, Q.Qasymov pen D.Sagynbaev 2020-2021 jyldarǵa arnalǵan Qazaqstan men Qyrǵyzstan qaýipsizdik keńesteri apparattary arasyndaǵy yntymaqtastyq josparyna qol qoidy.
